UWUGUBULILWE WA YOHANE . 13

1Ndawe ndayiwonige ing'oko iyimwi yihuma mubahali. Ing'oko iyo yeyina mitwe gimufung'ati na imembe nyichumi, ilipembe lyelivesaga lyelina ingela. Ilitawa lya amaligo lyelyandikwe pachanya pa imitwe gijo. 2Ing'oko iyo yendayiwene yeyindawe duma, na amagulu gayo yeyindawe lisikili, na umulomo gwakwe wita gwa Inyalupala. Lila liyoka lyayipelye yila ing'oko iyo uludali lyalyo; ikigoda chalyo cha uwutwa na ululagi ulukomi. 3Umutwe ugumwi gwa iyo ing'oko gwawonekige wita gutesike gwina mavamba wuhulo, neke ilivamba ilyene yelyeliponite. Ing'i mbeyili yasasave ing'oko yiyo na ukuyininila. 4Avanu mbevali swe vakulisunyalila lila liyoka pakuva lyayipelye yila Ing'oko uludali lwayo. Vayisunyalye kangi na yila ing'oko vitigila, “Ngali ye nami yeindawe iyi ing'oko? Ngali yenani yeahwana ukwihoma nayo?” 5Ndawe ing'oko iyo swe yitawulwa yilonge ing'ani isa ukwitupya na ukumuliga Nguluvi; swe yipelwa ululagi kwa lusika lwa myesi machumi gatayi na givili. 6Sweno, ndawe yavangige, ukumuliga Nguluvi, ukuliga na ilitawa lyakwe, na mbevali avikwikalaga kuchanya. 7Swe yitawulwa ukuvahoma ligalu na ukuvadwesa avanu va Nguluvi. Yapelitwe ululagi ku avanu va ing'olo mbesili, ulukolo, indongele na ing'i mbesili. 8Mbevali avakwikalaga mung'i savamusunyalila pesi vavala hela ve amatawa gawo gandikwe uluhuma pamuvango gwa ukugawa ing'i mukitabu cha uwumi cha umwanang'olo umudumule. 9“Munyamapulikilo, apulikage! 10Wone ave vadonyitwe ukugalulwa luvavaje ukuta iwo savagalulwa; wone vadonyitwe ukuwulagwa kwa ilimage iwo savadumulwa na ukwimila siso, luvavaje avanu va Nguluvi vavelage na ulwikangaliso na ulufuuwo.” 11Ndawe ndayiwonige ing'oko iyingi yihuma mung'i. Yeyina membe sivili wita sa ng'olo, na yalongige wita liyoka. 12Yeyina lulagi ulukwilaniche ukuhuma kwa yila ing'oko iya kutala, na yakwete lululagi lulo pa ing'oko yiyo. Ayikange ing'i mbeyili na mbevali mumo ukuyisunyalila ing'oko yiyo iya kutala yeyina ilivamba lya ifwa lyelyeliponite. 13Sweno, iyi ing'oko iya kavili yapigite imiitu minyawuhulo mbaka yambwise umoto guhume kuchanya gwike mung'i pamiho ga avanu. 14Yavayasise avanyang'i va mung'i ukukola imiitu gijo jeyapelitwe ukupiga pa ing'oko yila iya ukutala. Ing'oko yavalonje ava mung'i vawuyapage ikiganiso ukwimila ululumbo lwa yila ing'oko yeyeyitesike yina livamba lya ilimage neke yananite kangi. 15Swe ndawe apelitwe uwuwuya ukuyiputila uwumi icho ikiganiso cha yila ing'oko iya ukutala, mbaka chahwanite ukulonga na ukuvawulaga avanu mbevali vesivakisunyali. 16Ing'oko yavakange mbevali, vavina na vadodo, avanono na avamikaa, avanu avatemapawo na avanyawingi, vavavikage indoni kwiwoko lya kundyo na muwusu wawo. 17Yavakanie mbevali ukugula nambi ukugusa kinu pesi vavala hela avateme uluhagi lulo, kwekutigila ilitawa lya yila ing'oko apangi ulwandiko lwa imbalilo ya ilitawa lilyo. 18Ipa lino luvaje muvelage na uluhala, yula umunyaluhala avalilage imbalilo ya ing'oko iyo kwekutigila kiki, pakuva imbalilo iyi ya vanu, imbalilo iyene ye iyi, magana gimutanda, machumi gimutanda na simutanda.

will be added

X\