VAFILIPI 4

1Palulo, vanyalukolo vangu, aveende, vendidoboka hilo ukuvawona; nyenye ye muli luhekelelo lwangu na ingela ya muludweso lwangu. Nye veende vangu ulo lwe luvavaje ukwikala mukaye mu kuhanga na Umutwa. 2Eudiya na Sindike nguvagongola mwilamulage nda mwivanyalukolo mulu Mutwa. 3Ino nayuveve munyalupanda vangu vanachene, ngukulagisa uvatangage avang'inetu iva, pakuva vakave vapifu mukipigo cha ukulutagalisa Ulukani Ulunofu pamwinga na nene na Kilemendi na pamwinga na avapisi avayangu avangi mbevali, ve amatawa gawo mavalile kuvalongwe ku uwumi. 4Sweno, muhekelelage mbepali mukuhanga na Umutwa! Ndipilukila ukulonga kangi; muhekelelage! 5Uwulele wenyu wukagulanikage ku vanu mbevali Umutwa alipipi. 6Mulahuguvalila kinu, Neke mwalwe luvesaga mumusukage Nguluvi mulwifunyo mwa fye mugulwime kwa ukumulumba. 7Na uwikalakunoga wa Nguluvi uwulutye uluhala lwa avanu mbevali wuvalolela imitima na uluhala lwenyu mukuhanga na Kilisito Yesu. 8Pendisindilisa, vanyalukolo vangu, mwinatilage Ing'ani Inofu, na isinoje ululumbo, ing'ani isa nachene na uwunofu, isa uwugolofu, na isesinogela na choga. 9Mupigage semwiyigise na ukwanukila ukuhuma kwa nene, ing'ani semwapulike ndilonga na semwasiwene pendipiga. Nave Nguluvi yeakutupelaga uwikalakunoga uwa avamwinga na nyenye. 10Mukuhanga na Umutwa lukave luhekelelo lukomi kwa nene ukuta pambele mukapelitwe kangi ikilega ulwa pemunziwuka. Neke ukulongela mumwene mukave mukunziwuka mbepali pesi ukuta muke simulapelwa ikilega hela cha ukulagila ulukani ulo. 11Sindilonga isi pakuva ndiguluma kinu; pakuva ngakulwe ukusikimala na ifinu fyendinafyo, 12Fulwike ukuva nafyo na fulwike ukuguluma mwambefili na bahapavesaga ngiyigise ulwa ikinyele ulwa ukuva na ifyolofu na ukudagana, mufyolofu na pefikepite. 13Ndihwana ukulaving'ana kwa lweluvesaga pakuva Kilisito yeakumeelaga uludali. 14Neke ulwene nyenye mukapigite wunofu ukuhanga nane mulugudo lwangu. 15Nanye mwe Vafilipi mukulukagula ukuta pamuvango pa ukudalika Ulukani Ulunofu, pendahegige pa Makedoniya, ye nyenye ye mwiyena ye mulikanisa lyelyananzile; ye nyenye ye mwiyena yemwahanzile na nene mukwanukila na ukuvapela avangi mwa fyevagulwime. 16Pede-ngulwime uwutanzi kula ku Tesalonike mwandetye kangi ukulutila mu kamwi. 17Mulihosa ulwa ndiwenda hela ukwanukila ifipelwa; chendisaka ukwambula kongelekele mufisande fya uwunono wenyu. 18sweno, yenzanuche ifinu mbefili fyemukameelye, kangi filutye mula mwengasakilige. Ndinafyo mbefili lino pakuva Epafolodito yeandetye ifipelwa fyenyu. Ifipelwa ifi fiva nda nambika iyinung'ilila wunofu, ikitawulwa chekikwidikilwa na ukumunogela Nguluvi. 19Sweno, Nguluvi vangu, muwunono wakwe uwukomi ukukola kwa Kilisito, avapela mbefili fyemwiguluma. 20Lino indolo sivelage kwa Nguluvi vetu na udadetu, kitasila. Ena. 21Nguvahungila avanu mbevali va Nguluvi avanu vakwe Kilisito Yesu. Vanyalukolo avalipamwi na nene ipa vakuvahungila. 22Avanu mbevali va Nguluvi ipa, na hilo vala avali mwivaha lya Kaisali, vakuvahungila. 23Nguvasukila mbemuli uwuwuya wa Umutwa vetu Yesu Kilisito.

will be added

X\