VAFILIPI 3

1Ino de, vanyalukolo vangu, muhekelelage mukuhanga kwenyu na Umutwa! Sindifulugala ukupilukila sila sendandike pamwandi pakuva siwongelekesa uwuwunamu. 2Mwikomalilage na imbwa mwikomalilage na avanu vala avipiga uwanangifu, mwikomalilage na avanu avikimbila ukwitemanga imivili. 3Hwehwe twawoolitwe ulwa nachene siavene nda, pakuva hwehwe twakumusunyalila Nguluvi ukukola mu muhe gwakwe na ukwipulika na ululumbo mukuhanga pamwi na Kilisito Yesu. Sitwituga ifya mwivala hela. 4Nene nane ngenywanite mige ifya mwivala; na wone pwali umunu uyungi yeihosa ukuta ahwanite ukutuga ifyo ifya mwivala, nene ye ngemba na ulwa kwivahila hilo ukuhosa ndahihyo; 5nene ndawoolitwe pa ikimunyi cha umunana ukuhuma pakwegalwa kwangu; nene ndiva mulukolo lwa Isilaeli, imbegalo ya Benyamini, Muebulaniya umugadaga. Kulubali lwa ukwinatila indagilo nene ndi Mufalisayo, 6nane nde ndimupifu hilo, ndalitesise na likanisa. Na kulubali lwa ukwimila uwugolofu wewiwonekaga ukukola ukwinatila indagilo, nene sindendimwananga kinu nda. 7Neke mbesili iso sendahosige ulwa sihwanite sive na kwambula, ngufiwona ulwa iso sa kufwaha hela ukwimila Kilisito. 8Ino ndivalila chechekivesaga ukuta ukufwaha hela, penditeganisa ulwa uwunofu uwa ulamukagula Kilisito Yesu Umutwa vangu. Na mulumwene ngidiche ukufilekela ng'ani mbefili, ngufiwona ifyo nda mahwahwa sambi nzambule Kilisito. 9na ukuhangila ng'ani na umwene. Nene sipembwenda kangi uwugolofu uwihumaga mukwinatila indagilo; lino ndinawo uwugolofu wawihumaga mukumufuuwa Kilisito; uwugolofu uwihumaga kwa Nguluvi na uwukwimilaga mulufuuwo. 10Lwendisaka hela ndimukagule Kilisito na ukuluwona uludali lwa ulusilibuko lwakwe, nu kuhanga muneseko sakwe na ukwihwana nave mufwa yakwe, 11we ngwihuvila ukuta nayi nene sanzilibuka uluhuma kuvafwe. 12Sinditigila ulwa yesuumite apangi nigile yeng'wilaniche. Pesugunala sambi meelwe ikipelwa kila che ukwimila kicho Kilisito akasafile nene. 13Ena nachene, Vanyalukolo vangu, sindihosa ukuta yemelitwe ikipelwa kicho, pesi ulukani lumwi lwendipiga ngusisemwa mbesili isilutye na ukusugunala ukwinatila isilikuwutalo. 14Ino, ndikimbila sogwe ku kidonya changu, sambi meelwe ikipelwa kila, na ulo lwe lukemelo lwa Nguluvi ku wumi wa kuchanya ukukola mulumwene Kilisito Yesu. 15Mbetuli hwehwe yetukange mumigendele ja kinyamuhe lutuvaje ukuva na mimile gijo. Neke wone movali mwanyenye avihosa ululiwungi, sweno, Nguluvi alwelelulila ulukani lulo. 16Kwa lweluvesaga tudonyage kuwutalo ukwimila mung'asi yiyo yetukave wepetuninila na kulino. 17Vanyalukolo vangu, mwigage ukwiga imigendele jangu. Muvalavage avene avakwinatila ikiganiso chetwavaviche. 18Ngavalonje ulu kolofu, nayilino kangi ndipilukila kono wendivemba: Povali avanu wolofu ve imigendele jawo gikuvawuyapa vave vatavangu vaifwa ya Kilisito mumusalaba. 19Umudugo gwawo, kwe kudenyeka, amaleme gawo ye nguluvi vawo, indolo sawo sili muwuhonga nyoni pakuva uwudobokesi wa imivili jawo uyo ye nguluvi vawo, vahele vakwihavila ifinu ifihonganyoni, vihosaga mbepali isa mung'i. 20Neke hwehwe twivanyang'i va kuchanya, na tusindila we tukalalye umupoki ase ukuhuma kuchanya, Umutwa Yesu Kilisito. 21Umwene saagipitula imivili jetu imihomefu sambi agiwuyape gihwane nu muvili gwakwe ugunyandolo, ukwimila uludali lula lwe kwa ukukola lulo ahwana ukufivika ifinu mbefili pasi ya uwutema wakwe.

will be added

X\