MATAYO 1

1Ulu lwe lukoono ulwa ulukolo lwa Yesu Kilisito umwisukulu va Daudi, umwisukulu va Abulahamu: 2Abulahamu amwege Isaki, neke Isaki amwegale Yakobo, neke Yakobo amwegale Yuda na avayagwe, 3neke Yuda amwegale Pelesi na Sela, kwa mwayuva Tamali, neke Pelesi amwegale Hesiloni, Hesiloni, amwegale Lamu, 4Lamu amwegale Aminadabu, Aminadabu amwegale Nahisoni, Nahisoni amwegale Salimone, 5Salimone amwegale Boasi uyuve ee Lahabu, Boasi amwegale Obedi kwa mwayuva Luti, Obedi amwegale Yese, 6neke Yese amwegale Daudi Umutwa va Vaisilaeli. Nave Daudi amwegale Solomoni uyuve ee mukina Uliya. 7Solomoni amwegale Lehoboamu, Lehoboamu amwegale Abiya, Abiya amwegale Asa, 8Asa amwegale Yosofati, Yosofati amwegale Yolamu, Yolamu amwegale Usiya, 9Usiya amwegale Yotamu, Yotamu amwegale Hesekia. 10Hesekia amwegale Manase, Manase amwegale Amosi, Amosi amwegale Yosiya, 11Yosiya amwegale Yekoniya na vanakwave, palusika ulwa kusindikwa ava Isilaeli kuwunyawingi ku Babiloni. 12Napevali kuwunyawingi ku Babiloni: Yekoniya amwegale Salatieli, Salatieli amwegale Selubabeli, 13Selubabeli amwegale Abiudi, Abiudi amwegale Eliakimu, Eliakimu amwegale Asoli. 14Asoli amwegale Sadoki, Sadoki amwegale Akimu, Akimu amwegale Eliudi, a 15Eliudi amwegale Eliesali, Eliesali amwegale Matani, Matani amwegale Yakobo, 16Yakobo amwegale Yosefu umutegula Maliya umwegala Yesu ye atambuligwe Kilisito. 17Lino imbegalo mbesili uluhuma kwa Abulahamu mbaka kwa Daudi nyichumi nasitayi neke uluhuma kwa Daudi mbaka kuwunyawingi ku Babiloni se mbegalo nyichumi nasitayi, neke kangi, uluhuma kuwunyawingi ku Babiloni mbaka kwa Kilisito se mbegalo nyichumi nasitayi. 18Ukwegalwa kwa Yesu Kilisito kwekwide: Uyuve Maliya pe amwendite Yosefu wesialagaluswa awonike inafilo kwa uludali lwa Umuhe Umwelu; 19Neke uvakwe Yosefu, emunu munyandolo sawendigi ukumuhongela inyoni, asakige amuleke kinyele. 20Lino peali mumahosa igo, ndawe munyivaha va Nguluvi amusilige mumaloto, itigila, “Yosefu, ve Mwana va Daudi, ulogopa ukumutegula Maliya ave munu vako, pakuva ifilo fye inafyo fya Umuhe Umwelu. 21Egala umwana na umupela ilitawa lyakwe Yesu, pakuva umwene avapoka avanu vakwe uluhuma mu nzanangifu sawo.” 22Isi mbesili saave de sambi lukwile ulukani ululonge na umutwa numulomo gwa umuvisi: 23“Mulavage Umwigani umutuunafu avanafilo egala umwana mukwamisi, nave saatambulwa Imanueli” (kwekutigila, “Nguluvi pamwi na hwehwe.”) 24Nave, Yosefu pealamwike uluhuma mutulo apigite ndawe lweemulagile na munyivaha va Nguluvi swe akumutegula Maliya. 25Siagenzili nave mbaka Maliya pakwegala umwana. Ndawe amupelige ilitawa lya Yesu.

will be added

X\