AVAEBULANIYA 8

1Sweno, ululutye mwa mbesili setwilonga lwe ulu: hwehwe twinave Umutambisi Umuvina yeindahihyo, yula ye akong'ome kundyo kwa ikigoda cha uwutwa cha umunyaludali Nguluvi kuchanya. 2Umwene ipigaga uwupisi wa umutambisi umuvina apono apelu hilo, kwekutigila mugati mwa ilihema ilya nachene ilisenge nu Mutwa, na si na avanu nda. 3Yeyeavesaga mutambisi muhagule ukumutawulila Nguluvi ifitawulwa na inambika, na palulo nayi mutambisi Umuvina vetu lumuvaje avelage na ikinu cha ukutawulila inambika. 4Wone Umwene eave va baha ponivala, sieahwana nambi ukuva mutambisi, pakuva povali avatambisi avangi avitawula ifitawulwa ndawe indagilo we sihele silagila. 5Ifipigo fyawo fya uwutambisi ifyo figaniso hela na mwigigi gwa fila ifilikuchanya. Na lwe lwelwiwali na kwa Musa. Ulusika lweepipi ukusenga ilihema, Nguluvi amulonje, “Wuyapage chechekivesaga ukwiga kila ikiganiso walagilwe kula ku kidunda.” 6Neke lino Yesu apelitwe ikipigo cha uwutambisi ikinofu ukulutila cha avene, ndawe ulufingano lwealukangise mu vanu na Nguluvi lunofu ukulutila, pakuva ulutu lwakwe lwimye mu nyuviso sa ing'ani inofu isilutye. 7Pakuva wone ulufingano lula ulwa ukutala lweluvelage lugaya wutenda, apepagaya ikivalwa cha ukuvika ulu ulwa kavili. 8Neke Nguluvi avasokime avanu vakwe peitigila: “Ikimunyi kikusa, ilonga Umutwa, pesambika ulufingano ulupya na avanu va Isilaeli na avanu va mu Yudaya. 9Ulufingano ulu silwihwana na lula lwendavikite na avakukwawo ikimunyi kila pendavalongosige kwa uludali ukuvahumya ku Misili. Sivevahuvilwa mu lufingano lwangu; nambi nane sindavatugiti, ilonga Umutwa. 10Na ulu lwelufingano lwangu lwembika na vanu va Isilaeli ifilo ifikusa, ilonga Umutwa: Mbika indagilo sangu mu luhala lwawo, nu kwandika mu numbula sawo. Nane mba Nguluvi vawo nawo vava vanu vangu. 11Sipwali kangi umunu yeamwigisa umuyagwe, nambi yeamulongela munyalukolo vakwe ukuta: ‘Mukagulage Umutwa.’ Pakuva avanu mbevali, vavina na vadodo, savang'agula nene. 12Nane ndivadegepela inzanangifu sawo, na sisanziwuka kangi uwananzi wawo nambi.” 13Na mukulonga sa ulufingano ulupya, Nguluvi alusakise lula ulwa ukutala; na chechekivesaga ikisakalaga nu kuva kilovela icho sikihaavagi ukuyaga.

will be added

X\