AVAEBULANIYA 6

1Sweno, tusilekage inzigiso isa pamuvango isa Kilisito na tubitage kidonya ku nzigiso isa kivina, tulavika ulutu ulungi ulwa ukupela ukuhuma mufipigo ififwe na isa ulufuuwo ulwidonya kwa Nguluvi. 2na uwulagise uwa ulofugo, na uwufunyilile wa ukugelekwa amawoko, ulusilibuko lwa avafwe na uluhigilo lwa mbepali na mbepali. 3Na ulu satupiga! Wone Nguluvi awende. 4Pakuva avanu vevakululeka ulufuuwo lwawo lwiima ndawuli kangi ukuvapilula sambi vahongese kangi? Avanu iwo yeve vinje mulung'ali lwa Nguluvi, yevevagesise ikipelwa cha kuchanya na ukupelwa Umuhe Umwelu; 5yevevagesise uwunofu wa ulukani lwa Nguluvi nu ludali lwa ing'i iyikusa, 6Sweno, ndawe valulekige ulufuuwo lwawo! Siluhwaniti ukuvapilula kangi vahongese, pakuva yevakumutumbika kangi Umwana va Nguluvi nu kumuhongela inyoni pavanu. 7Nguluvi ayikuyifunyilila ing'i yeyakwanukila indonya peyitonya kolofu,nu kumesa ifimelo ifinya ukwambula kukomi kwa avanya kulima. 8Neke wone ing'i iyo yimese imibiki ija imifwa na amasoli, iyo yigaya cha kwambula; yiva pipi nu kukotolwa na Nguluvi nu mudugo gwakwe kunyanywa mu moto. 9Neke, nambi twilonga de, vanyawende vetu, twina luhuvi lukomi uwimila nyenye. Tukulukagula ulwa yemwanuche uwufunyilile uwunofu uwulutye wa uwupoki wenyu. 10Nguluvi sigayagi uwanachene; sisemwagi ikipigo chemupigite ukwimila umwene mukipigo chemwapigite na chemwipiga lino ku vanu vakwe. 11Lwetwidoboka hwehwe lwe ulu ukuta yeyeavesaga munu mwa nyenye avelage mupifu ndahihyo mbaka ku mudugo, sambi semukwihuvila sikwile. 12Lino Mulava vagata pesi ulwa muvelage ndawe vala vevifuuwa na ukukangalila, na palulo vakwanukila sila inyuvise na Nguluvi. 13Nguluvi peamuhuvisige Abulahamu, ilapye ilitawa lyakwe yumwene, pakuva sikwali umuvina ukumulutila Nguluvi, ye kwa yuyo ake ahwana ukumwilapila. 14Nguluvi alonzile,“Nachene ngufunyilila na ukukupela imbegalo ingomi.” 15Abulahamu asindye kwa kukangalila nambi anuche kila checheilapilwe na Nguluvi. 16Avanu pevakwilapa vakwilapila kwa uyumwi ye muvina hilo ukulutila aveve na ulwilapo ulo lwalwidumula ulubesa mbeluli. 17Nave Nguluvi akangise uluhuviso lwakwe kwa ulwilapo; na palulo avalaje vala veavilapye ulwa sapitula nangi lweavilapye. 18Sweno, kofili finu fivili: fyesihwaniti ukupituka na kangi uwimila ulo Nguluvi sahwaniti alonge wudesi. Sweno, hwehwe yetwakimbilye uwulolesi kulumwene twikangaswa imitima sambi twinatile hilo uluhuvi ulwavisilwe pa hwehwe. 19Twinalo uluhuvi lulo wita kimililo mumigendele jetu. Na uluhuvi ulo lukangafu hilo, nalo lukwingila mbaka kukibupa cha itembeli ya kuchanya mbaka pala apelu mugati. 20Yesu alongwe ukwingila umo uwimila hwehwe, na ave mutambisi muvina kitasila, va imigosekese gigila ja Melekisedeki.

will be added

X\