AVAEBULANIYA 2

1Sweno lutuvaje tuginage hilo ukwinatila mbesili setwapulike, sambi tulemwe ukuyasiwa. 2Pakuva ulukani lula lwevapelitwe avavaha vetu na vanyivaha, lyawonike ukuta lwanachene, nambi mwa mbevali yula yesibeeti na ukwinatila ahigitwe apume ndawe ulwelumuvaje. 3Ino, hwehwe tupokwa ndawuli pesitwituga uwupoki uwukomi we windawe uwu? Kwa ukutala Umutwa yumwene awulaalike uwupoki uwu, na vala vevawupulike vatolelelye ulwa wa nachene. 4Lwindahihyo Nguluvi atuwilye uwolelesi wakwe, kwa ukukola ifipigo ifilipolofu fya imiitu na uwuhulo, na ukuvagavila avanu ifipelwa fya Umuhe Umwelu ndawe mweawendelige. 5Nguluvi siavavikiti vanyivaha vayitema ing'i iyikusa, kwekutigila ing'i yila yetukuyitinakisisa ing'ani sakwe. 6Kangi yilongwa apono apangi de, muwandike: “Umunu che kiki, mbaka umuhosekese, umwana va umunu che kiki, mbaka umwiwuke? 7Wamugafile hela ave pasika padodo pa vanyivaha; na ukumufwika ingela ya indolo na uwutambule, 8Wakivikite chechekivesaga pasi pa magulu gakwe.” Lwilongwa ulwa Nguluvi amuvisile umunu ave mutema mu ifinu mbefili kwekutigila sichalekitwi nambi kinu kimwi. Nambi ndahihyo mbaka lino de, situkumuwona umunu yeitema ifinu mbefili. 9Neke tukumuwona Yesu ye kwa ulusika ludodo avikitwe ave mudodo hilo pasi ya vanyivaha. Lino tukumuwona Yesu ye kwa ulusika ludodo awuyipwe mudodo kwa avanyivaha, apelitwe ingela ya indolo na uwutambule ukwimila uluteseko lwa ifwa, sambi ukwimila uwuwuya wa Nguluvi afwe akwimila avanu mbevali. 10Kangi lwanoje kulumwene, ye ifinu mbefili finanaga ukukola kulumwene na mulumwene mukuvaleta avana wolofu mundolo, na ukuva mulongosi muwupoki uwukwilaniche ukukola uluteseko. 11Pakuva Umwene aakuvesa avanu inzanangifu sawo, nave pamwi na vala avesiwe, mbevali vinave Dada yumwi. Nambi Yesu siakwiwona nyoni ukuvakemela iwo vanyalukolo vakwe; 12Ndawe lweilonga: “Ve Nguluvi, ndivalongela vanyalukolo vangu ifipigo fyako. Sangulumba mumukong'ano gwawo.” 13Kangi itigila: “Ndimuvikila Nguluvi uluhuvi lwangu.” Na kangi: “Nene ndipwali ipa pamwi na avana veamelye Nguluvi.” 14Sweno, pakuva avana iwo, ndawe lweakuvakemela, iwo vanu vanya muvili na idanda, Yesu yumwene ave ndawe avene nu kuhanga uwunu wawo. Apigite ndahihyo sambi kwa ukugendela ifwa yakwe amwanange umwananzi, yula umunyalulagi lwa ifwa. 15Na palulo avapoke vala veve vanyawingi ulusika mbeluli lwa uwunani wawo ukwimila umuhwehwe gwa ifwa. 16Pakuva lulipelu hela ulwa umwene siasili uwimila ukuvatanga vanyivaha, pesi ndawe lwewilonga uwandike, “Akuvatanga avisukulu va Abulahamu.” 17Nambi lwelwene lwelwamuvaje ave ndawe vanyalukolo vakwe mwa mbesili, sambi ave Mutambisi Umuvina vawo umuhuvilwa na munyalusungu mukumupigila Nguluvi, nukuhesa inzanangifu sa avanu. 18Lino ahwanite ukuvatanga vala vevigelwa, pakuva nayumwene agelitwe muluteseko

will be added

X\