AVAEBULANIYA 13

1Muvelage we mwiyenda kinyalukolo. 2Mulasemwa ukuvanukila avagenzi; pakuva ukupiga ulo, avanu avangi vahwanite ukuvanukila vanyivaha kitalukagula. 3Muviwukage vala avasope mundinde wita wanda nanyenye musopitwe pamwi nawo. Muviwukage vala aviteseka wita wanda nayinyenye mwiteseka ndawe avene. 4Ingomwa yivaje yipelwagwe ichoga, na avanu mbevali, na isivaje ingomwa sikwiswage. Nguluvi saavahiga avanya migendele imibi na avagoni. 5Mulava vadobokesi va amagobole; fivakwilage ifinu fyemwinafyo. Nguluvi yumwene atige, “Sisanguleka nangi, nave ukukulekelesa.” 6Nambi tukwigelela ukulonga: “Umutwa ye mutanzi vangu, sisanzogopa. Mbi umunu angita kiki?” 7Muviwukage avalongosi venyu vevavadaliche ulukani lwa Nguluvi. Mwihosage hilo sa imigendele jawo, mukigage ulufuuwo lwawo. 8Yesu Kilisito ye mwene yuyula igolo, neng'ino na mbepali. 9Muliiga inzigiso isingi singi ingenzi. Uwuwuya wa Nguluvi wewene we wukuvakangasa inumbula senyu na siukutigila imisilo ja ifilyo; imisilo ijo sijamutanzili umunu yeyeavesaga yeaginatye. 10Hwehwe twinapo pifunyo pala pevala vevakali pevalipigila ilihema, sivatawule ukulya ifilimumo. 11Na imivili ja ifikwamilwa fye idanda yaletigwe pifunyo na umutambisi umuvina nda nambika isa inzanangifu sanyanyigwe kwivala pa likambi. 12Na lwindahihyo nayi Yesu nave, sambi avese avanu ni danda yakwe yumwene, atesiswe nu kufwa pivala pa iboma. 13Sweno, tumubitilage umwene pala pivala iya ilikambi tukiteguse ululeko lwakwe. 14Pakuva umu mung'i twivagaya iboma iyinanaga mbepali; neke lino petuguluma yila iboma iyikusa. 15Sweno, ukukola kwa Yesu, tumutawulile Nguluvi inambika yinya lulumbo lwa mbepali, kwekuta ululumbo ulwitawulwa ni milomo jejikulidikila ilitawa lyakwe. 16Mulonga musemwe ukupiga inofu nu kwitanga, pakuva isi sesene se inambika isikumunogela Nguluvi. 17Muvelage na ichoga ku valongosi venyu nu kwinatila indagilo sawo; avene vahele vilolela inumbula senyu, pakuva sawolelela isa uwupisi wawo kwa Nguluvi. Muvaleke vapige ifipigo fyawo kwa luhekelelo, si wuhuguvafu, na pa ulo nyenye simwambula uwinome. 18Mutusukilage na yihwehwe. Tukwihuvila ukuta twina mitima myelu, pakuva twiwenda ukupiga isigolwike mbepali. 19Nguvagongola hilo musukilage sambi Nguluvi angufye amilule ukwenyu ndawe mweluhwanila. 20Lino Nguluvi umunyawikalakunoga ye amusilibwe Umutwa vetu Yesu Kilisito umukwamila-ng'olo umuvina ukwimila idanda yakwe va ulufingano ulwa mbepali na mbepali, 21avakwilanisage muchechekivesaga kipigo kinofu, sambi mupigage isimuvaje umwene awuyapage mugati mwa nyenye, ukwimila mwa Kilisito sila isikumunogela umwene. Indolo yivelage kulu mwene, mbepali na mbepali! Ena. 22Sweno, vanyalukolo, nguvagongola mwanukilage mu wulele ulukani ulu nu kuvasikimika inumbula, pakuva ndivandiche ing'ani. 23Ndiwenda ukuvalongela ukuta umunyalukolo vetu Timoti ye akadindulilwe uluhuma mundinde. Wone angufye ukufika ipa, tusasa nave pengusa ukwenyu. 24Muvahungilage avalongosi venyu mbevali pamwi na avanu va Nguluvi! Vanyalukolo va ku Italiya vakuvahungila vitigila, Kamwene. 25Tukuvasukila mbemuli uwuwuya wa Nguluvi. Uwuwuya wa Nguluvi wuvesa na nyenye Ena.

will be added

X\