AVAEFESO Ing'ani isitala 2

1Nyenye mwe mufwe ukwimila uwananzi na inzanangifu senyu. 2Ulusika ulo mwikalige we mukwiga imikalile imibi ja mung'i umu, mwagapulikise amasoka manyaludali ga mwilanga, amasoka agakuvasagila lino avanu vesivakumupulika Nguluvi. 3Na kulino de hwehwe mbetuli twetwindawe vavene; twikalige we tukwiga uwudobokesi wetu wa mung'i nu kupiga sila hela isanogelige imivili nu luhala lwetu. Kwa ulubali lwa mung'i, hwehwe nahwe twindawe avene kangi, twetuvaje ililakaali lya Nguluvi. 4Neke Nguluvi munyalusungu lukomi. Atwendite na uwende uwugaya wulongo, 5nambi we twetufwe ukwimila inzanangifu, atupelye uwumi pamwinga na Kilisito. Ukukola uwuwuya wa Nguluvi nyenye mupokitwe. 6Kwa ukuhanga na Kilisito Yesu, Nguluvi atusilibwe pamwinga nave, sambi tukateme pamwinga nave kuchanya. 7Ulo lweawendite ukululagila kuvanu va imisika igikusa uwukomi wa uwuwuya wakwe weatupelye kwa ulusungu lwa ukuhanga kwetu na Kilisito Yesu. 8Pakuva, kwa uwuwuya wa Nguluvi nyenye ye mukomboliwe ukwimila ulufuuwo. Ulukani ulu silwihumagi muwupifu wenyu, pesi ukuta icho kipelwa cha Nguluvi. 9Nambi kangi silwihumagi mufipigo fyenyu yinyenye, alonga umunu ivahile kinu. 10Hwehwe twi figawa fyakwe Nguluvi, na kwa ukuhanga na Kilisito Yesu, atugafile sambi twikale muwupiga inofu sealatuviche tupigage. 11Nyenye kukilamuko mwatambuligwe, vasila kuwolwa mwalula lwelwitambulwa kuwolwa ulwapigikige na amawoko mumivili jawo. 12Mwiyiwukage lwemwemulekine na Nguluvi pamwandi mwe mwiva genzi; mwe kwivala mulukolo lwa Vaisilaeli; mwe mwivagenzi na simwemuhanzili nambi kinu mwa lula ulufingano ulwa inyuviso, mwemugayite uluhuvi, na wita avanu vesivamuseli Nguluvi umu mung'i. 13Neke lino de, kwa ukuhanga na Kilisito Yesu, nyenye ye pamwandi mwe muli pataali, yemuhegelisiwe ukwimila idanda yakwe Kilisito. 14Pakuva Kilisito yumwene atuletye uwikalakunoga kwa ukuvahanza Avayudaya na avanu va ing'i isingi ukuva lukolo lumwi. Kwa umuvili gwakwe yumwene amamwe ikibupa kila cheche kivavagulise nu kwambusa vave vatavangu. 15Ahesise lula ululagilo lwa Avayudaya na indagilo na imisimu, sambi ing'olo iso isivili agawe lukolo lumwi ulupya mu wulilumwi nave na palulo aletite uwikalakunoga. 16Kwa umuvili gakwe, Kilisito awulige uwutavangu wawo; kwa umusalaba gakwe ndawe ahanzise ing'olo iso luve lukolo lumwi na awuyipe uwilamule na Nguluvi. 17Sweno, Kilisito aasile idalika Ulukani Ulunofu lwa uwikalakunoga kwa nyenye mwe vanu va ing'i isingi yemwe pataali na Nguluvi, na kangi kwa Avayudaya avali pipi na Nguluvi. 18Sweno, ukwimila umwene, hwehwe mbetuli, Avayudaya na avanu va ing'i isingi, tuhwanite ukumubitila Dada kwa mutima gumwi. 19Sweno, nyenye si pe mwivagenzi kangi, sipe mwivanu va kwivala nyenye, mwivanyang'i pamwi na avanu va Nguluvi, na mwi vanu va mulukolo lwa Nguluvi. 20Mwivasengele mulutu uluvike na vigendo na avavisi, nave Kilisito yumwene ye liganga likomi lya mulutu. 21Umwene ye ayibete ikaye mbeyili nu kulumbing'asa mbaka yive Tembeli inzelu ukwimila Umutwa. 22Na mukuhanga nave, nyenye nanye mwivasengelese pamwi na mbevali vala avangi, sambi muve wikalo wa Nguluvi ukukola Umuhe vakwe.

will be added

X\