2 TIMOTI 3

1Wiwukage ukuta, ifilo fya kuwusililo sakuva na lusika lutalamu. 2Pakuva avanu savava vanyakwiyenda vavene, vanyakuwenda amagobole, vanyalwiwono, vanyakidada, vanyamaligo, avagaya choga ku vegasi vawo, avagaya kilumbo, vanangifu, 3Savawoneka avanu avagaya wunu, avagaya wilamule, avasomeng'asa, vahatufu, vakali, avibihilaga mbesili inofu; 4savava vapituka vayawo, avananga finu, vatiganu na avamemile lwidudumbo; savawenda isa ulwinomo sindawe ukumwenda Nguluvi. 5Kwa mwivala savawoneka wita vanu va Nguluvi, neke kono wevibesa uludali lwakwe. Wilegage na avanu avindawe iwo. 6Avamwi vawo vakwingila mukaye sa vanu vigalula avang'inetu avahomefu avafuuvitwe na inzanangifu avilongoswa na uwudobokesi wewewuvesaga; 7avang'inetu vevavigela mbepali ukwiyigisa nambi lulo sivavifikila ukuyikagula inachene. 8Avanu iwo vakuyibesa inachene ndawe vala va Yane na Yambule lwevamubesise Musa. 9Neke ulwene sivahwana ukuva pevabita na lulo musika pakuva uwupuva wawo wilagila pawelu kwa mbevali. Ndawe lwelwawonike kwa va Yane na Yambule. 10Neke, veve, ukafwatite inzigiso sangu nagimigendele jangu, uwukalalile wangu, na iminanile jangu, ulufuuwo lwangu, uwukangalisi wangu, uwende wangu, uwusindile wangu. 11na ukupigilwa fibi na ineseko. Ukwiwuka sila sesafikite uko ku Andyokiya, ku Ikonio, na ku Lisitila. Ndakangalye ukupigilwa fibi ukukomi ukulutye! Neke Umutwa amokite ukuhuma mwambesili iso. 12Umunu yeyeavesaga iwenda ukwikala mukumogopa Nguluvi na mukuhanga na Kilisito Yesu lumuvaje apigilwe fibi. 13Avanu avanangifu na avabuganisi vagina ukuva vanangifu, kono visanga avangi na avene we vakwisanga. 14Neke veve nanage mwa yila inachene yila yewigisiwe na ukuyidikila hilo. Ukuvakagula vala veve vigisi vako, 15ukwiwuka ukuta uluhuma pa wudodo wako uwukagwe Uwandike Uwelu wewuhwana ukukupela uluhala ulwiletaga uwupoki ukwimila ulufuuwo mwa Kilisito Yesu. 16Uwandike Uwelu mbewuli wandikwe muwulongosi wa Nguluvi, wikwila mu kwigisa inachene, ukukenyela, ukugolola isanangike, na ukuvalongosa avanu vikale muwugolofu, 17sambi umunu yeakumupigila Nguluvi ave akwilaniche na agelaniche hilo mukupiga ifipigo ifinofu.

will be added

X\