2 AVAKOLINDO 3

1Mbi, twivanga kangi ukwiyendelesa? Mbi, twisaka i balula ya ukutukagulisa kwa nyenye, apangi iyihuma kwa nyenye, ndawe avanu avangi? 2Yi nyenye hela ye mwibalula yetu; balula inzandike munumbula setu yeyeavesaga ayiwonage na ukwimba. 3Lulipelu hela ulwa nyenye mwi balula ya Kilisito isindike kwa amawoko getu. Ibalula iyene sinzandike kwa uwino, pesi ukuta nzandike kwa Umuhe umumi va Nguluvi; nzandike si mwitalawe, pesi ukuta munumbula isa avanu. 4Tuhwanite ukulonga iso ukwimila uluhuvi lwetu lwetwinalo kwa Nguluvi ukukola kwa Kilisito. 5Si ukutigila hwehwe tuhwanite ukupiga chekivesaga ukwimila muludali lwetu yihwehwe, pesi ukuta uludali lwetu mbeluli lwihumaga kwa Nguluvi, 6pakuva umwene yeileka tulupigile ulufingano ulupya lwesi lufingano lwa indagilo inzandike, pesi ukuta ulufingano lwa Umuhe. Pakuva indagilo inzandike sasiwulaga, neke Umuhe ayileta uwumi. 7Indagilo senzandike mufibawo ifya amaganga. Neke ulwene pambele umudugo gukave ifwa, neke indolo sakwe sengomi ukulutila, na avana va Isilaeli valemilwe na ukulava uwusu wa Musa ukwimila ukumalavadika kwakwe. Kangi ukumalavadika uko kwe kwa musika mudodo hela, sweno ikipigo cha kila ichaletite ifwa kikapigike mundolo ingomi ndawe iso 8sweno, uwupisi wa Umuhe wina indolo isilutye hilo. 9Sweno, wone kwekwina indolo mu kipigo cha uluhigilo, lulipelu hela ulwa ikipigo ikileta uwogolofu kiva na indolo ingomi isilutye hilo. 10Lino indolo ingomi hilo sitegwe pesesipwali indolo isa ukutala, sa ulutogo lwakwe sipelwipwali. 11Pakuva wone kila cheche cha lusika ludodo hela chekina indolo sakwe, nditigila wanda kila chechakwikala uwutasila kiva na indolo ingomi ukulutila. 12Pakuva ulu lwe luhuvi lwetu, hwehwe twilonga kwa uwupifu hilo. 13Hwehwe sitwipiga ndawe Musa yelwamuvaje ukugubika uwusu wakwe na lipembo sambi avanu va Isilaeli valemwe ukuwulava umudogo wa uwumalavadifu uwuhomefu. 14Neke inumbula sawo nalamu; mbaka neng'ino de pelukwimbwa ulufingano ululovela, inumbula sawo sisilapituka. Inumbula sawo sisigala ndahihyo pesi pala hela pe umunu peihanga na Kilisito. Uluhala lwawo lwidinduka pala hela pe umunu peihanga na Kilisito. 15Ena, mbaka lino de pesivelaga sikwimbwa indagilo sa Musa uluhala lwawo lwalwiva ludinde. 16Neke, ulusika pe umunu akumupitukila Umutwa, uwupuva uwo wawihega. 17Ipa “Umutwa” ye Umuhe; na pala peipwali Umuhe va Umutwa pewipwali uwutemapakwe. 18Swe, hwehwe mbetuli yesitwivadinde amiho, twilagilwa witigila twilavila mu kilole, indolo isa Umutwa; twipitulwa sambi twihwane hilo na uwihwani wakwe uwa indolo sakwe ingomi. Uko kwekupiga kwa Umuhe va Umutwa.

will be added

X\