2 AVAKOLINDO 12

1Sweno, muleke nene nambi silunofu! Neke lino ndonga ulwa amaloto na ukugubulilwa kwendapelitwe na Umutwa. 2Ndimusele umunu uyumwi mwa Kilisito, ye kwa imyaka minyichumi na gitayi lino igilutye, umunu uyo emwegule nu kusindikwa kuchanya kula ukwa wudatu a (singulukagula wone e mumuvili apangi mu muhe; Nguluvi ye alukagwe) 3Ndipilukila ukulonga! Ngulukagula ulwa umunu uyo asindikwe mbaka kuvafwe. (Neke singulukagula wone e mumuvili apangi mumuhe; Nguluvi ye alukagwe) 4Uko apulike ing'ani isa ikinyele se umunu sahwaniti ukusilonga. 5Sweno, ndihala ulwa umunu uyo, neke singwihala ndiyena, pesi mu wuhomefu wangu hela. 6Wone ngembwende ukwihala, singe mba ndi mupuva na ludodo, pakuva nge mba ndilonga ulwa nachene hela. Neke lino sindihala; pakuva nene sindiwenda umunu uyungi anyosekese ukulutila lula lwe akumbona nu kupulika ukuhuma kwa nene. 7Pakumbika nene ndemwe ukuva na ulwidudumbo lukomi ukukola uwolofu wa uwugubulilwe uwo ndapelitwe uwuvafi mumuvili nda wa mifwa, umukomi va Setani akufwahisa ndilidudumba ukulutisa. 8Mu lukani lulo ndamugongolite Umutwa kadatu, sambi luhege. 9Neke umwene anigile, “Uwuwuya wangu wukukukwila; pakuva uludali lwangu lwalwikwilanikila hilo mu wuhomefu.” Sweno, lwinoga hilo ndihale mu wuhomefu wangu sambi uludali lwakwe Kilisito lwikale kwa nene. 10Lwelwene ngwidikisa wugolola singo uwuhomefu ukubedalwa, mutalamu, ukubuganisiwa, na ineseko ukwimila Kilisito, pendiva mu wuhomefu pepene pendiva mu ludali. 11Ngave nda ndi mupuva, neke nyenye yemukanzambwise de. Pakuva ye nyenye ye muke munoje ukusumusa. Pakuva, nambi nene sindi kinu, kwa lwelweluvesaga, nene nambi ndahihyo sindimudodo ukulutila iwo, “Avigendo avavina.” 12Imiitu ginyakulagila ukuta nene ndi mwigendo va nachene ifyo fyapigiche apenyu muwukangalisi mbewuli pamwi na imiitu na uwuhulo na ifipigo ifya uludali. 13Mbi kiki chemwaneemite ukulutila amakanisa agangi, pesi nene hela ku lubali lwangu sindavafwahisi mu meele uwutangi wenyu? Mundegepelage lwesindavapiji wunofu. 14Neke lino nene yendigelanise hilo ukusa ukwenyu ulwa kadatu, na sindivafwahisa mumeele kinu. Pakuva nene sindisaka ifinu fyenyu, nene ndisaka yinyenye hela. Luvavaje avegasi ukuvakwavila avanawo uwunono, avana ukukwavila avegasi vawo. 15Ngembwenda ukupigila mbefili fyendinafyo mukuvatanga nyenye isa mukinyamuhe. Mbi, lino nyenye munzenda padodo, pakuva nene sindivenda nyenye pakomi? 16Sweno kangi neke nene yinene sindavafuniti nyenye. Apangi yungi ahwana atigile, “Pakuva Pawulo musugu yeakavibete mu wusugu wakwe.” 17Mbi, nene ndavawonie ukukola kwa umunu yeyeavesaga yendamutumite ukwenyu? 18Nene ndamukemelye Tito, swe nguvatumila umwene ukwenyu na munyalukolo vetu uyungi. Mbi, lino ndawuli Tito avakalipye? Mbi, simukulukagula ukuta Tito na nene tuhele twilongoswa na Umuhe yuyula yumwi? Na ukuta twakwikala mumikalile iginyawihwana? 19Apangi mukwihosa ukuta mbaka kulino hwehwe tukaali petwiyaamila kanisa pa nyenye! Neke ulwene tuhele twilongela ing'ani isi pa Nguluvi, kono we tuhanzile na Kilisito. Neke ing'ani isi mbesili sikwimila ukuvawuyapa wunofu nyenye vanyawende vetu. 20Nene ngogopa, ulwa apangi penzusile ukwenyu, nywanite ndivafike mwimile wungi, lulemwe ukuvanogela. Nene ngogopa apangi mulava mu lwitakilo na mu gila na mwilakali, muwuhatufu, mu wuheesi, mu lwelango, ulwivifyo, na muwusoming'asa, ikidada na mwiyovo ilileta ulwigawo pagati apenyu. 21Kangi nene ngogopa, ukuta apangi penzusile, Nguluvi andevesa pa nyenye, na kangi nyuguvala kwa vala awolofu vevakapigite inzanangifu, na sivalahongesa uwaafu wawo, na uwudobokesi, pamwinga na uwusafi wawo wevakapigite.

will be added

X\