1 AVATESALONIKE 5

1Vanyalukolo, si poluli lukani lwa ukuvandikila ulusika na imisika pesasiwoneka ing'ani isi. 2Pakuva nayi nyenye mulukagwe ulwa ikimunyi cha Umutwa sachusa ndawe umuhiisi lwe akusaga pakilo. 3Avanu pesava vitigila, “Kitunafu kangi kuposile.” Pepene pe uwanangifu witinukisa! Iso sasivasila sitinukisa ndawe uwuvafi wa ung'inetu munyafilo peivikwe sambi egale, na avanu sisavakuluka kwa iso nambi, 4neke nyenye, vanyalukolo, simuli mulwisa nda, na ikimunyi icho sikivavaji ukuvasila kivatinukise ndawe umuhiisi. 5Nyenye mbemuli mwivanu ye mwigendela mu lung'ali, avanu va pamunyi. Hwehwe sitwi vanu va pakilo, nambi va mu lwisa. 6Ino, tulavasa tulo ndawe avangi, lutuvaje ukwikala miho na twivatuunafu. 7Vevivasaga vavivasa pakilo, na avagaasi vavigala pakilo. 8Pakuva hwehwe twivanu va ikimunyi luvaje tuvelage vatuunafu, lutuvaje ukwifwika ingwembe ya ulufuuwo na uwende na uluhuvi lwa uwupoki wita nda kofiya ya ichuma. 9Pakuva Nguluvi satuhagwi sambi atusinde na ililakali lyakwe, pesi ukuta tupelwe uwupoki ukwimila Umutwa vetu Yesu Kilisito, 10Ye afwee ukwimila hwehwe, sambi twikalase nave, wone twiwumi nambi petufwe. 11kwa lulo mwisikimikage na ukwitanga yinyenye kwa yinyenye, ndawe lwe mwipiga lino. 12Vanyalukolo, tukuvagongola muvelage na choga kwa vala vevipiga ikipigo pagati apeenyu, vala vevakuvalongosa na ukuvigisa ulwa imigendele ja uwukilisito. 13Muwogopage hilo na ukuvenda ukwimila ikipigo chevipiga. Muvelage na uwikalakunoga yinyenye kwa yinyeye. 14Vanyalukolo, tukuvagongola hilo muvakenyelage avanu avagata, muvatangage avanyamuhwehwe, muvatangage avanu avahomefu, muvelage mwivakangalisi kwa mbevali. 15Mwikomalilage umunu yeyeavesaga alihombela mukole kulumunu yungi uwanangifu, pesi ukuta mudonyage ukwipigila inofu mbepali na ukuvapigila inofu avanu mbevali. 16Muhekelelage mbepali, 17mwifunyage mbepali, 18na muvelage na ikilumbo mwa mbesili. Iso seiwenda Nguluvi kwa nyenye mukuhanga kwenyu na Kilisito Yesu. 19Mulamubesa Umuhe Umwelu; 20Mulabedala uwuvisi, 21Mufigelage ifinu mbefili: mwinatilage ikinofu, 22na mwilegage na chechekivesaga chawanangifu, 23Nguluvi ye akutupela uwikalakunoga--avawuyapage nyenye ukuva velu kwa lwelweluvesaga na ukusigosa inumbula senyu, na imivili jenyu pataali na uwanangifu wewewuvesaga ulusika lwa ukusa kwakwe Umutwa vetu Yetu Kilisito. 24Yula yeakuvakemela nyenye apiga lulo pakuva umwene va kwihuvilwa. 25Vanyalukolo, mwifunyage ukwimila hwehwe nahwe. 26Muvahungilage vanyalukolo mbevali mukuvanonela kwa uwende. 27Nguvagongola hilo mwitawa lya Umutwa muvimbilage ibalula iyi vanyalukolo vetu mbevali. 28Tukuvasukila uwuwuya wa Umutwa vetu Yesu Kilisito.

will be added

X\