1 AVATESALONIKE 3

1Pambele twalemilwe ukukangalila kangi, twawene lunofu tusigale twiyena kula ku Atene, 2na ukuvasindikila munyalukolo vetu Timoti, ye munyakupiga muyetu ukwimila Nguluvi mu kudalika Ulukani Ulunofu lwa Kilisito. Twavasindiche sambi ase avakangase na ukuvasikimika, 3sambi ulufuuwo lwa uyungi mwa nyenye luleke ukukepa ukwimila ingudo iso. Neke nyenye mulusele ukuta lutuvaje ukuva mu ngudo. 4Pakuva, pe twe pamwinga na nyenye, twavalonje ukuta tutesewa, na yemulukagwe, ukuta yeluve ndahihyo. 5Nambi ndamutumite ukwenyu Timoti. Sindahwi ndikisindila kangi, swe ngumutuma sambi ndisikagule isa ulufuuwo lwenyu. Salulava apangi umwanangifu akavagelite neke anangileng'ani ikipigo chetukapigite ukwenyu. 6Lino Timoti yeapilwike, nave atuletye ing'ani isa uluhekelelo isa ulufuuwo na uwende wenyu. Atulonje ukuta mukutwiwuka mbepali, na ulwa mutususilwe mwiwenda ukutuwona hwehwe ndawe hwehwe lwe tuvasusilwe twiwenda ukuvawona. 7Sweno ing'ani sa ulufuuwo lwenyu sikatupelye uludali mu neseko na mu kuguda kwetu mbekuli, 8lino nachene tukwikala wone nyenye mwimite mukange mu kuhanga na Umutwa. 9Lino twihwana ukumulumba Nguluvi vetu ukwimila nyenye. Tukumulumba kwa luhekelelo lwetwinalo mulumwene ukwimila nyenye. 10Twigina ukumusuka Nguluvi pakilo na pamunyi kwa inumbula mbeyili sambi atupele ikilega cha ukwiwona sambi tuwuyapise chekiva kikepite mu lufuuwo lwenyu. 11Tukumusuka Nguluvi yumwene udadetu, na Umutwa vetu Yesu atuvikile ing'asi ya ukusila ukwenyu. 12Umutwa avatangage nyenye muwiyendi nu kuvenda avanu mbevali hilo na hilo, ndawe hwehwe lwe tuvenda nyenye. 13Ino agikangasa imitima jenyu, nanye muva mukwilaniche na avelu pa Nguluvi na udadetu ulusika lwe Umutwa vetu Yesu pesaasile pamwi na mbevali ve vanu vakwe.

will be added

X\