1 AVATESALONIKE 2

1Vanyalukolo, yinyenye mukulukagula ukuta ulugendo lwetu ukwenyu si lwe lwa malanga. 2Mukwiwuka lula lwe vatupije fibi nu kutuliga kula ku Filipi petwesitulava tufika ukwenyu ku Tesaloniki. Nambi kwe na lubesa lukomi, neke Nguluvi vetu atupelye uwupifu uwa ukuvadalikila Ulukani Ulunofu lwakwe. 3Ulukani lwe twikangasa kwa nyenye si lukani ulukwimila uwudesi nambi amahosa amabi kangi sitwiwenda ukumusanga munu yeyeavesaga. 4Hwehwe mbepali twilonga lula ulukumunogela Nguluvi pakuva atuwene ulwa hwehwe tuhwanite, swe akutupela ulu Ulukani Ulunofu. Si ukuta hwehwe twiwenda ukuvanogela avanu nambi, pesi ulwa twiwenda ukumunogela Nguluvi ye asisele inumbula setu mugati hilo. 5Nanye mukulukagula hilo petwasige ukwenyu, sitwasili na ing'ani isa ukuvatunumika, nambi kwa uwusugusugu twiva ndatwifiha lukani, Nguluvi ye asisele inumbula setu! 6Sitwawenditi lulumbo ukuhuma kuvanu, nambi ukuhuma ukwenyu, nambi ukuhuma ku munu yungi yeyeavesaga, 7nave hwehwe pe tu vigendo va Kilisito, tuke tuhwana ukusaka ulungi de kwa nyenye. Neke hwehwe twe twi valele pagati apeenyu ndawe umung'inetu pa vanakwe. 8Twavendite nyenye hilo mbaka twidikile ukuvahanza si ukuta mu Lukani Ulunofu hela lwa Nguluvi na muwunani wetu. Ulo lwe mwave vanyawende vetu! 9Vanyalukolo, mukwiwuka lwe twapigite ikipigo na lwe twafwahite, pe twavaletelige Ulukani Ulunofu lwa Nguluvi twapigite pakilo na pamunyi sambi tulemwe ukumufuna umunu yeyeavesaga mwa nyenye. 10Na yinyenye muhwanite molelele, na Nguluvi, nave ye molelesi, ulwa imigendele jetu pagati apeenyu nyenye ye mwifuuwa je minofu, migolofu na migaya wutenda. 11Mukulukagula ulwa hwehwe twamupije yeyeavesaga mwa nyenye ndawe lula Dada va avana lwe akuvapigila avanakwe yumwene. 12Twavakangise imitima, na ukusikimika na ukuvalamusa sambi mwikalage mumigendele je gikumunogela Nguluvi ye avakemelye muhange mu wutwa na indolo sakwe. 13Kangi twina lukani lungi ulwa ukumulumba nguluvi: petwavaletelige ulukani lwa Nguluvi, nanye mwalupulike, swe mukulwanukila, si wita lukani lwa munu, pesi wita lukani lwa Nguluvi, nachenne welwiwali. Pakuva Nguluvi ahele ipiga mugati umwenyu nyenye ye mwifuuwa. 14Vanyalukolo, nyenye mukafikitwe na ing'ani sisila sesikagafikite amakanisa ga Nguluvi agali kula ku Yudaya, ing'ani isikavafikite avanu vakwe Kilisito Yesu. Nyenye mukapigilwe fibi na avanyang'i vayenyu ndawe avene lwe vakapigilwe fibi na Avayudaya vayawo, 15vala ve vamuwulige Umutwa Yesu na avavisi, swe vakututesa na yihwehwe kangi. Avanu iwo vakumuvifya Nguluvi, kangi vatavangu va yeyeavesaga munu! 16Kangi vagelite ukututanila mulava vadalikila avanu vesivamuseli Nguluvi ulukani lwe luvaletela uwupoki. Mwa Ulu vakwisise ulwinungo lwa inzanangifu mbesili sevapigite ifilo mbefili. Neke lino ililakali lya Nguluvi yelivafiche. 17Vanyalukolo, ukwileka kwetu na nyenye kwe kwa lusika ludodo hela, kangi ukwileka uko kwe kwa muvili hela na siwita kwa Umuhe. Lusika ludodo pambele, twave twisusilwe hilo ukuvawona kangi! 18Swe twilamula ukuvagendela kangi. Nane, Pawulo, ndagelite kolofu ukusa ukwenyu, neke Setani atutanie. 19Mbi, pesatwimite pa Umutwa Yesu pesaasile, ululumbo lwa uwutalemwa wetu sawuva kiki? Samuva yinyenye; nyenye ye lwe luhuvi na uluhekelelo lwetu! 20Ena, nyenye ye ndolo na uluhekelelo lwetu!

will be added

X\