1 PETULO Ibalula iya ukutala iya Petulo 5

1Nene yendi muvaha ndinalo lukani lumwi lwenguvasuka nyenye mwe vavaha vayangu. Nene yinene ndilolelye mumiho gangu ineseko sa Kilisito na ndikuvye ukuhanga sila indolo sesasigubulwa. Nene nguvasuka 2mukwamilage kila ikipinga cha Nguluvi che kili mu likanisa lyangu, mulilolele si kwa kukangalwa, pesi kwa ukuwenda kwenyu. Mupigage ikipigo icho si kwakwimila uwudobofu wa amagobole, pesi kwa chesa mutima. 3Mulavasagila kwa mabatu vala avavike muwulolesi wenyu, pesi muvelage cholelesi kwa lilyo lipinga. 4Na ulusika lwe Umukwamila ing'olo umuvina pesa asile, nyenye samwanukila ingela ya indolo yesiyikepagi uwunofu. 5Lwindahihyo nanye vanyakilambo luvavaje ukwivika mululagi lwa avavaha. Nyenye mbemuli luvavaje muvelage na uwilevesi sambi mwipigilage; pakuva Uwandike Uwelu witigila: “Nguluvi akuvabesa vanyalwidudumbo, neke akuvapelaga uwuwuya avilevesi.” 6Sweno, mwilevesage pasi pa iliwoko linyaludali lya Nguluvi, sambi avakung'umike pachanya mulusika lwakwe ulunoje. 7Mumusindikilage mbesili isivabanite na inalamu, pakuva umwene akuvalolela. 8Mwikomalilage, muvelage miho! Pakuva umutavangu venyu, umwanangifu inyitila wita inyalupala iyikwidusa yifwima yungi yimwanange. 9Mwiyambilage, mukangalage mulufuuwo na wemukulukagula ukuta isindawe iso silaving'ine na vanyalukolo venyu bahapavesaga mung'i. 10Neke pemuve mutesiike lusika ludodo, Nguluvi yula ye yumwene che kilamuko cha uwuwuya mbewuli na yemwene yeakuvakemela muhange indolo sakwe isa mbepali ukukola ukuhanga na Kilisito. Yemwene yeavakwilanisa na ukuvawuyapila uwukwilanifu, uludali na ulutu ulukange. 11Kulumwene kuvelage uludali kitasila! Ena. 12Ukwimila Silivano, umunyalukolo ye ngumwihuvila ndawe lwe nguluwona nene, ndivandiche nyenye ludodo hela ndivakangalise na ukuvalongela ukutigila kwa uwuwuya wa Nguluvi, mwikalage we mukange mwa wuwo. 13Mwayuva yeali ku Babiloni akuvahungila, ye yumwene muhagule, lwindahihyo na yu mwanangu Maliko. 14Mwihungilage mwikola ulwinonelo kiva kilagilo cha uwende. Nguvasukila uwikalakunoga uwuli mwa Kilisito.

will be added

X\