1 AVAKOLINDO 5

1Lino, kosili ing'ani isa nachene ukutigila ukwenyu kowoli uwugoni, kangi uwugoni uwaafu wesiwulava wuwoneka nambi kuvanu, vesivamuseli Nguluvi kumbi ndipulika ulwa umuyenyu uyumwi akategwe umukina udade! 2Nye! Kumbi ndawuli nyenye mukwisumila? Mbi si muke muhuguvala, na uyo yeipigite uwaafu lwinoga mumuhese ahege mwa nyenye. 3Ena, kulubali ulwangu, nene nambi ndilipataali nanyenye ku muvili, nambi ndahihyo mu numbula ndilibaho pamwinga na nyenye, ndiva ndandilibaho, nene yendimuhigite umunu uyo yeakapigite uwaafu uwuhonga inyoni. 4Sweno, ulusika lwe mwikong'ana pamwinga mwitawa lya Umutwa Yesu, nane ndiva wita ndili pamwinga na nyenye kwa inumbula, sweno kwa uludali ulwa Umutwa vetu Yesu, 5mumutawulage umunu uyo kwa Setani sambi umuvili gwakwe gwanangwe na inumbula yakwe yihwane ukupokwa ikimunyi kila icha Umutwa. 6Ulwidudumbo lwenyu silwinoga kinu! Mbi, simukulukagula ulwa uwuhahu wudodo wawihahula uwuse mbewuli? 7Ino, mwiyesage nu kutaga kutaali uwuhahu wa pidaha, wa uwananzi, sambi muve vapya uwuhahu ndawe mwiwali. Pakuva Kilisito ye ng'olo ya Pasaka vetu umutawule ave nambika. 8Sweno, tuwuyape ikimunyi ikikomi, si kwa wula uwuhahu wa pidaha, uwuhahu wa uwanangifu pesi kwa umukate gwesimuhate uwuhahu, umukate ugwa uwugolofu wa nachene. 9Ndavandiche ibalula yangu ulwa mulahanga na avanu avagoni. 10Neke ulwene singatigiligi avanu mbevali avali mung'i vagoni, avahatufu, vadesi na vala vevavisunyalila ifihwananguluvi. Sweno, muke muwende ukuvakimbila mbevali iwo apo luke luvanogela nyenye muhegele ng'ani mung'i umu! 11Neke chengalongige pengwandika che iki: Mulahanga na munyalukolo umukilisito umugoni, muhatufu, kangi aisunyalila ifihwananguluvi, musongela avayagwe, mugaasi kangi mudesi. Umunu yeindawe uyo, nambi ukulilasa nave, mulalilasa. 12Mbi, ulo lwelwa nene ukuvahiga avanu vala vevali kwivala? Aa nda iwo Nguluvi yeavahiga. Mbi, lino ndawuli, yinyenye nanye simuhwaniti ukuvahiga avakilisito vayenyu? 13Sweno, mumuhakilage kutali na nyenye umunu umwanangifu!

will be added

X\