1 Nambi ndonge indongele isa avanu nave sa avanyivaha va Nguluvi, neke wone ndimugaya uwende nene ndiva nda kisofu ikikwana kiyoya chaka. 2 Kangi, nywanite ukuva na ikipelwa cha ukudalika ulukani lwa Nguluvi, na ukusikagula mbesili isa ikinyele, na ukufikagula mbefili; nywanite ukuva na ulufuuwo mbeluli mbaka nywane ukuhamya ifidunda, neke wone ndimugaya uwende ndiva nene sindi kinu nda. 3 Nambi nawule uwunono wangu mbewuli na ukuvapela avamikaa, na kangi nambi nditawule umuvili gwangu gupye mumoto, wone ndimugaya uwende ulo silunanga kinu chechekivesaga. 4 Munyawende aikangalila, ayipiga uwuwuya; munyawende mugaya gila, mugaya ulwidudumbo, nambi kidada. 5 Munyawende sigayagi ichoga, kangi siwendagi uwambule uwa iyena hela, na kangi simupefu va ililakali; sivikagi ulwiwu lwa isalutye, 6 kangi uwende siwihekelelagi imbi nda, wawihekelela isa nachene. 7 Munyawende aikangalila mbefili, aifuuwa mbesili na sifulugalagi ukuva na uwusindile. 8 Uwende wugaya mudugo. Wone pave pofili ifipelwa fya ukudalika ulukani lwa Nguluvi, ifyo safiduga kimunyi kimwi, wone pofili ifipelwa fya ukulonga indongele ngenzi, safiduga; wone kowuli uwimbi, nawo sawulutila. 9 Pakuva uwuseela wetu wudodo, na ikipelwa chetu cha ukudalika ulukani lwa Nguluvi nacho kidodo. 10 Neke pekifisile kila ikikwilaniche, mbefili fyesifikwilanichi safiduga. 11 Pende ndi mudodo, ndalongige ndandi mwana, ndihosige ndandi mwana. Neke lino, pakuva ye mbe ndandi munu muvina, ing'ani isa uwanawana ngasilekite. 12 Setukusiwona lino siva nda twilavila mukilole kwa wutinafu, neke pambele satwilavila kwa amiho getu. Kulino ngusikagula padodo hela, neke pambele sandisikagula mbesili wunofu, ndawe nene ngakagulike wunofu. 13 Lino sinana isi isidatu: ulufuuwo, uluhuvi na uwende; neke ululutye uwukomi mwa mbesili isi we uwende.
Copyright © 1999 The Bible Society of Tanzania; ℗ 2010 Hosanna