FILEMONI 1

1Inye Paulo, omufungwa aha rwa Yesu Kirisito, na Timotheo murumuna waitu, nitukuhandikira iwe Filemoni omukozi mutahi waitu omugonzibwa, 2na Afia munyanyaichwe, na Arikipo omwisherukare mutahi waitu, n'enteko elikuteranira omwawe. 3Ruhanga Isheichwe n'Omukama waitu Yesu Kirisito basinge babatunge omugisha n'emilembe. 4Buli kaanya ninsiima Ruhanga wange orwo ndikukwijuka omu nshara zange, 5ahakuba nimpulira okwo oina engonzi n'okwesiga aha Mukama Yesu, n'okwo olikugonza abakirisito bona. 6Ninkushabira okwesiga okw'olikwegesa abandi kube kw'ebikorwa mara kushobore kumanyisa abantu ebirungi byona ebyo tulikushobora kukora tujwangaine na Kirisito. 7Nobona murumuna wange okugonza kwawe kukampa ebyera bingi nk'okummaramara, kuba noshemeleza abakirisito. 8Niyo nshonga n'orwo ndikushobora kumaza nyemirwemu Kirisito kukuragira kukora eky'olikuragirwa kukora, 9aha rw'engonzi zawe nimbona hakili nkutagilize, inye Paulo omubaka wa Yesu Kirisito, kyonkai mbwenu ndi mufungwa aha rwa wenene. 10Ninkutagiliza, nintagililiza omwana wange Onesimo. Onesimo ogu mbaire ishe omu kufungwa kwange. 11(Orwa mbere akaba ataina mugasho ahali iwe, kyonkai mbwenu ntakubeihire natugasha ichwembili, iwe nanye). 12Namukugarulira, namukutwekera ali wange buchwichwi. 13Nakushemeleirwe kwikara nawe k'anjuna ebyo iwe wakunjunire orwo ndi omu kifungo nibantura evangeli. 14Kyonkai mboine ntakora kantu otaikiliize otaija okankundira aha rw'okugimbwa, onkundire obuzira kukakwa. 15Shana rundi nikyo abaire akurugiireho akaanya kake ahanyuma oshobore kuba hamoi nawe ebiro byona, 16atakili mwiru: Yashaagire omwiru, yabaire murumuna waitu omugonzibwa. Omuno ni murumuna wange inye, kyonkai kandi ahali iwe nashaagaho: Ni murumuna wawe aha rw'enshoga muntu mara kandi ni murumuna wawe aha kujwangana nawe omuli Mukama. 17Kityo k'oraba nobona ndi mutaahi wawe, omutore nk'okwo wakuntoire. 18Kandi k'araba yakufakaliire, anga oina eky'olikumutonga, ebyo obitonge inye. 19Inye Paulo nyenene n'inye ndikwehandikira, ndabigira, ntagambire okwo naiwe oina eibanja lyange, eibanja lyange elyo n'iwe wenene. 20Nikwo, murumuna wange, ninkutaho Mukama onkolere akagambo aka. Ongaruremu akoyo, iwe murumuna wange owo tujwangaine omuli Kirisito. 21Ninkuhandikira nyesigire okw'orampulira, nangu nimanya okw'orakora ebikizireho ebyo nagamba. 22Omu kaanya konene ako ontekatekere oburaaro, kuba ninshubira okwo omu nshara zanyu ndabagarukira. 23Epafurasi, omufungwa mutahi wange alikuturwa Yesu Kirisito, nakukeisa, 24kutyo na Mariko, Arisitariko, Dema na Luka, abakozi bataahi bange. 25Omugisha gw'Omukama Yesu Kirisito gube naiwe.

will be added

X\