1 Inye Paulo entumwa, entumwa etatairweho muntu, anga kuraba aha muntu nanka, inye nkatumwa Yesu Kirisito na Ruhanga Ishe ayamuhimbwire omu bafu. 2 Inye nabarumuna bange bona abo nyinabo, n'ichwe abalikubahandikira inywe ab'enteko za Galasia. 3 Ruhanga Isheichwe n'Omukama waitu Yesu Kirisito abatunge ekisha n'emirembe. 4 Omukama waitu Yesu Kirisito akehayo aha rw'amafu gaitu kutwihya omu bukiro bubi obu obwa mbwenu, nk'okwo Ruhanga Isheichwe yasingire. 5 Ruhanga wenene ogu ahabwe ekitinwa eira lyona! Amina. 6 Nimunshobeza kubona okwo mwanguhire kuruga ahali Ruhanga ayabesize ekisha kya Kirisito mukakwata evangeli ndijo. 7 Tikugir'oti haliho vangeli ndijo, shana haliho abalikubaita kubi nibagonza kubaihya aha vangeli ya Kirisito. 8 N'orwo yakuba ichwe, anga omumalaika akaruga omw'iguru, k'omuntu yakubarangiira evangeli etali eyo twabarangire orwa mbere, omuntu nk'ogwo n'akaraamwe. 9 Nk'okwo twagambire orwa karai, nikwo ndikugamba na mbwenu, k'omuntu wena wena arabarangira evangeli eyo mutarangiirwe, nakaraamwe. 10 Inye aha nimpiga kusiimwa abantu anga Ruhanga? Handiki nimpiga kushemeleza abantu? Kuba ninshemeleza abantu nakuragiirwe kutaba mwiru wa Kirisito. 11 Barumuna bange kambagambire: Evangeli eyo narangire telikutabuka aha bantu. 12 Inye, evangeli tinagihire aha bantu, kandi tinagyegesiibwe. Yesu Kirisito wenene niwe yaginshuruliire. 13 Emigendere yange eya karai omu dini y'Abayahudi mukagihulira, okwo nagingiize enteko ya Ruhanga n'amani, mara nkagonza kubasilikya. 14 Omu dini y'Ekiyahudi nkaba ninshaaga bangi ab'omwiganwa gwange omw'ihanga lyange lya Buyahudi. Emichwo ya batat'enkuru nkaba ngigwireho enda n'amabere. 15 Kyonkai Ruhanga ayandonkire ntazairwe, akasinga akanyeta omu mani g'ekishakye, 16 akasinga yanshurulira Omwanawe mbone kumuranga omu Banyamahanga. Tinayehanwize aha muntu, 17 anga kugya Yerusalemu ahali balinya abanyebembeire kuba ntumwa. Inye nkakwata omuhanda nayegyera Arabia, nashuba nagaruka Damasiko. 18 Emyaka eshatu ekeire ngya Yerusalemu kubona Kefa, mara nawe ebiro 10. 19 Omu ntumwa taliho ondijo owo naboine shana Yakobo murumuna Omukama. 20 (Ebyo ndikubahandikira ninjuliza Ruhanga, tindikugamba bishuba!) 21 Aho nirwo narabire omu mikoa ya Siria na Silisia. 22 Ab'enteko za Kirisito omuli Buyahudi bampulizaga batalikummanya aha maisho. 23 Bahuliraga nibagamba bati, «Ayatugingizaga mbwenu niwe alikurangira abantu kabaikiliza ebyo yayendaga kusirasiza.» 24 Bemwa ahali inye basingiza Ruhanga.
