2 ABATESALONIKA 2

1Mbwenu aha bikwete okwija kw'Omukama waitu Yesu Kirisito n'okuhurura kwaitu kumwakilira, barumuna bange nitubatagiliza, 2emitima yanyu etagira bwangu kuyuguuma na kwechura. Okubonekerwa kwona kwona anga ekigambo anga ebarua, ebyo balikutekeleza ngu nibitabuka ahali ichwe, n'okugamba okwo ekiro ky'Omukama kili haihi, ebyo bitabaagaraza. 3Omuntu atagira kwoyababeiya omu muhanda gwona gwona. Nobona ekiro ekyo tikilija; obushengi nibwo bulija mbere, omujeemi ataikiliza Mateka, niwe Musiliikya, amanyike. 4Embanzi egyo negaya buli kintu ekyetwa ruhanga anga ekifukamirwa, nangu n'okugoba aha kushuntama omuli Rwensinga ya Ruhanga n'okweyeta Ruhanga. 5Timulikwijuka okwo eki nakibagambire orwo twabaire tuli hamoi? 6Mara nimumanya ebilikumutanga kuzoka n'orwo wenene yakugondize kuzoka, kyonkai arazoka orwo akanyake karagoba. 7Ekyebisho ky'omujemi ataikiliza Mateka omulimo gwakyo. Alikutanga eky'ebisho ekyo naragirwa arugeho, kuba niwe akyakitangire. 8Aho omujeemi ogwo ataikiliza Mateka alizoka, alimwisa orwoya rw'omukanwa, amwise okwengelera kwa wenene orwo aliija. 9Omujemi ogwo ataikiliza Mateka ogwo aliija ayemirwemu Sitani, akore ebitangazo ebitali bimoi n'eby'amani, kyonkai byona bili bishuba. 10Aligira n'ebishuba eby'engeli zona. Ebishuba ebyo biliisa ab'okusilika bona, kuba bakanga amazima agakubarokoire, bagatamwa. 11Niyo nshonga Ruhanga nabaha okwikiliza ebishuba bingi, 12ahonu bona abatalikwikiliza mazima baramurwe, manyasi amafu nigo gabashemelera. 13Ichwe, barumuna baitu abagonzibwa b'Omukama, turagiirwe kubasiimira Ruhanga, kuba akabaronka kwema obubere kamurokoka, orwo Mwoyo yabahindwire batakatifu, kandi mukaikiliza amazima. 14Ebi nibyo yabeteire orwo twabarangiire evangeli mubone kutungwa ekitinwa ky'Omukama waitu Yesu Kirisito. 15Kityonu barumuna bange, mugume mara mukwate n'emihelejanyio eyo twabegesize omu bigambo anga omu barua. 16Mbwenu Omukama waitu Yesu Kirisito wenene, na Ruhanga Isheichwe, ayatugondize akatumaramara eirai lyona, akatuha n'eshubi nungi omu mani g'ekisha, 17abe niwe amaramara emitima yanyu n'okubagumisa omuli buli mulimo gurungi n'okugamba ebili birungi.

will be added

X\