2 ABAKORINTO 13

1Ogu murundi gwa kashatu ogwo ndikwenda kwija okwo. Buli mushango niguragirwa kujulirwa abajulizi babili anga bashatu. 2Orwo nabaire ndi okwo omurundi gwa kabili, ababaire bafakaire nkabatatira hamoi n'abandi bona. Ninshuba nimbatatira na mbwenu orwo ntaliyo. Kityo orwo ndagaruka tindikwija kubaganyira, 3orwo mulikwenda kubona orubona okwo Kirisito n'iwe alikugambira omuli inye. Wenene timulikumulema, nabashobora. 4Aha kubambwa akaba mujege, kyonkai mbwenu omu bushobora bwa Ruhanga narora. Ichwe tuli bajege nka wenene, kyonkai omu bushobora bwa Ruhanga turabaga twemire na Kirisito ogwo omu byo turakabakoleraga. 5Inywe nywenene mwelebe nka mugumire omu kwesiga. Mwelebe. Isi timulikubona okwo Yesu Kirisito asingiire omuli inywe? Shana kamuraba muli babi! 6Ninshubira murabona okwo ichwe titwina kitulemire. 7Ekikuru nitushaba Ruhanga mutakukora kubi, kitaija kikazoka okwo nichwe tuli babi. Nitumushaba mukore kurungi, n'orwo turaba nituzoka okwo tulemirwe. 8Amazima titwakugahindura, shana kugahondera. 9Kuba ichwe nitushemelerwa kuba bajege, kandi amani gakagirwa inywe. Ekyo tulikushaba nitushaba kamugendelera omu maisho. 10Ebi manti nimbihandika ntaina inywe, kandaba naizire ntaija nkaba mukuutu omu kukoza obushobora obwo Omukama yantungire kwombeka, kutali kukambura. 11Mpaho barumuna bange, mwikarege. Mweshubeho, ebigambo byange mubyekomye, mushobokerwangane, mwikare n'emilembe, aho Ruhanga ow'engonzi n'emilembe arasingiraga omuli inywe. 12Mukeishanyie nimunywegerangana omunywegero gutakatifu. 13Abegesibwa bona nibabakeisa. 14omugisha gw'Omukama waitu Yesu Kirisito, n'engonzi za Ruhanga, mujwangaine na Mwoyo Mutakatifu, bisingire omuli inywe inywena.

will be added

X\