2 ABAKORINTO 10

1Inye Paulo nyenene, omwetohya orwo ndi hamoi na inywe, emanzi orwo mbali harai, nimbatagiliza mbataireho obufura n'obwetohya bwa Kirisito. 2Nimbatagiliza, orwo ndaba ndi okwo mutakungambisa na mani ago ndagiirwe kukoza orwo ndaba nkwatangaine n'abalikutulenga kuba bantu b'ensi. 3Enshonga n'orwo tuli omu nsi titulikurashana ndashana ya mu nsi. 4Nobona ebikwato byaitu ebyo tulikurashanisa endashana ti bikwato bya mu nsi omu. Bikwato ebina amani ga Ruhanga agalikushobora kusilikya eboma zona. 5Eby'abantu balikuhakana nitubisirasiza, n'abeikuru abalikwanga obumanyi bwa Ruhanga nitubatera ahansi. Nituhindura ebitekelezo bya buli muntu ashobore kugira omuhuliro ahali Kirisito, 6kandi twetegekire kubonabonyia bona abataina muhuliro, mulemwe mugire omuhuliro nyakabara. 7Ebigambo mubikwate okwo mulikubibona. K'omuntu araba nayemanya okwo ali wa Kirisito, aijuke okwo orwo ali wa Kirisito naichwe kutyo. 8Kuba n'orwo ndayebugaho obushobora obwo twinabwo, obushobora obw'okubombeka, kutali kubakambura, tindikwija kugira nshoni. 9Ntakuzoka nimbatinisa mu barua zange. 10Kuba haliho abalikugamba bati, «Ebaruaze zisikiire mara ziina amani, kyonkai obubili nayoroba, n'eby'alikugamba tibina nshai.» 11Abantu nk'abo bashobokerwe okwo ebyo tulikugamba omu barua orwo tutali okwo, nibyo byonene byonene ebyo tulikugamba orwo tulikwija. 12Ichwe titwakuziza kugira tuti nitwigana n'abalikweshalingya. Bonene nibebona nibo bonkai abaina amagezi, mara tibalikukirwa muntu; kyonkai tibaina kyobalikushobokerwa. 13Titulikwija kwesiima tukashagulirana; chei, nitwija kugarukira mbali Ruhanga yatupimiire, nirwo rubimbi orwo yatukwasize, nangu nainywe nitwija kubagoba. 14Mara titulikwehanguhya kushagulirana nk'okwo kyakubaire okwo muli omwo mbali Ruhanga yatulengeire, katutakwizire wanyu, n'ichwe twabaire ba mbere kwija owanyu tubaleteire evangeli ya Kirisito. 15Titwakwesiimira milimo ya banu kushagulirana. Shana nitushubira okwo okwesiga kwanyu kurayeyongera, aho naichwe tubone obushango bw'okubegesa ebishagireho. 16Kityo aho turashobora kuranga evangeli omu nsi ezindi, etali yanyu, tutaizire kwesiimira mulimo ogw'omuntu ayekoleire omu kichwekakye. 17«Araba ali w'okwesiima ayesiimire ebyo Ruhanga akozire.» 18Alikusimwa t'olinya alikwesiima, shana alikusiimwa Omukama.

will be added

X\