1 PETERO 5

1Nintagiliza abaraba bali bagurusi omuli inywe, inye ndi mugurusi mutahi wanyu mara omujulizi w'obushasi bwa Kirisito kandi alikwija kubona ekitinwa ekiliboneka ahanyuma. 2Mushumbe obuhyo bwa Ruhanga obwo mwakwasiibwe. Mutabuliisa nk'abagimbirwe, mubuliise mweyendeire. Mutakora mulimo gwanyu mugendeleire kwihyamu magoba agataina mbali gali, shana mugire omutima gw'okukolera banu. 3Obuhyo obwo mutabutwaza makaka, shana ekiliho mube bulebero ahali bwonene. 4Orw'omushumba mukuru aliija mulibona orukinga orw'eirai lyona. 5Kutyo nainywe abali bato muhulire abagurusi banyu. Mugilirangane obwetohya, nomanya, «Ruhanga tayenda baina ikuru, kandi abetohya nibo agilira ekisha.» 6Ruhanga aba mushobora, aha rw'ekyo mumwetohyeho, nirwo k'obukiro bulihika alibakuza. 7Ebilikubashobeza byona mubikwase wenene, orw'okuba abetaireho. 8Mwelinde mara mwikare muzoire amaisho. Sitani omubisha wanyu nashoita nabazingora nk'entare elikusinda nehigiliza ow'eralya. 9Mumusimbaliire, mugume omu kwesiga kwanyu, kuba nimumanya okwo barumuna banyu omu nsi yona nabo balikubona obushasi nk'obwanyu. 10Kamuraba mwashasire akabanga kake, Ruhanga omugizi w'ekisha ayabesire kamutaha omu kitinwakye eky'eirai lyona mujwangaine na Kirisito, arabaha amani mara abagumise, timuliyuga. 11Obushobora bwina wenene eirai lyona. Amina. 12Nabahandikiira ningutura, omuhandiki wange ni Silivano, murumuna waitu omwesigwa okwo inye mubona. Nimbatagiliza mara nimpamisa okwo eki nikyo kisha kya Ruhanga eky'amazima, mara nainywe mugume omu kisha ekyo. 13Enteko ya Babiloni endonkwa nka inywe nebakeisa; kandi kutyo n'omwana wange Mariko. 14Mukeishanyie inywena nomunywegero gw'engonzi. Inywena okwo muli ba Kirisito mugire emilembe.

will be added

X\