1 YOHANA 4

1Bagonzibwa bange, mutakwikiliza buli omoi alikwegamba okwo aina Mwoyo. Mubanze munyomoze nka Mwoyo owo ainawe naruga ahali Ruhanga. Ahakuba abarangi b'ebishuba bemaliire omu nsi zona. 2Aha niho muramanyiraga Mwoyo wa Ruhanga: Buli muntu alikugamba okwo Yesu Kirisito yayehindwire muntu, ogwo Mwoyo ow'ainawe naruga ahali Ruhanga. 3Kandi atalikugamba Yesu migambire egyo, ogwo taina Mwoyo alikuruga ahali Ruhanga. Mwoyo ow'ainawe naruga aha Mushengi wa Kirisito, owo mwahuliire okwo aliija, mara Omushengi ogwo yaizire omu nsi. 4Twana twange, inywe muli ba Ruhanga, mara mwasingire abarangi b'ebishuba. Mwoyo asingiire omuli inywe muhango kushaaga Omushengi wa Kirisito ali omu bantu b'ensi. 5Abarangi b'ebishuba bantu b'ensi, mara n'ensi nebahuliliza. 6Ichwe tuli ba Ruhanga. Weena wena aba wa Ruhanga atuhuliliza, kandi atali wa Ruhanga ogwo tatuhuliliza. Aha niho mumanyira Mwoyo ow'amazima na mwoyo ow'ebishuba. 7Barumuna bange, tugonzangane. Engonzi ziruga ahali Ruhanga, kandi agonza aba mwana wa Ruhanga mara amanya Ruhanga. 8Omuntu atagonza tamanya Ruhanga, manyasi Ruhanga aba ngonzi. 9Omu ngonzi nimwo engonzi za Ruhanga zamanyikiire omuli ichwe, orwo Ruhanga yatumire Omwanawe omumoi omu nsi, katubona oburora omu kujwangana nawe. 10Omu ngonzi ezi nimwo engonzi zisingiire: Tikugir'oti ichwe tukagonza Ruhanga, shana Ruhanga niwe yatugondize akatuma Omwanawe kuba nyatano y'amafu gaitu. 11Inywe abagonzibwa, ka Ruhanga araba yatugondize atyo, na ichwenu turagiirwe kugonzangana. 12Taliho muntu araboine Ruhanga. Katuragonzangana, Ruhanga arasingira omuli ichwe, naichwe turagira engonzize ezihikiliire. 13Ruhanga akatugabiraho Mwoyowe, aho niho tumanyira okwo tujwangaine nawe, na wenene ajwangaine naichwe. 14Ichwe tukabona mara twakigambira n'abandi okwo Ruhanga yatumire Omwanawe ali Murokozi w'ensi. 15Kaishe muntu ayebuga okwo aba Mwana wa Ruhanga, Ruhanga ajwangana n'omuntu ogwo, kandi nawe ajwangana na Ruhanga. 16Kityo nitumanya mara nitwikiliza engonzi ezo Ruhanga ainazo ahali ichwe. Ruhanga aba ngonzi, mara omuntu aguma omu ngonzi aguma n'omuli Ruhanga, na Ruhanga aguma omuli wenene. 17Engonzi ezo twinazo Ruhanga nazihindura zigorogoki, aha kiro ky'eiramu tushobore kugira obwesige, kuba okwo ali nikwo naichwe tuli omu nsi egi. 18Mbali engonzi zili tabaho butini. Engonzi ezihikiliire zikiza obutini amani. Obutini buba nibushura ekiibonabonyio, kandi omuntu atina, ogwo engonzi ezihikiliire aba atainazo. 19Twina engonzi, manya Ruhanga niwe yatugondize mbere. 20K'omuntu araba nagamba ati, ┬źNgonza Ruhanga,┬╗ mara okwo nanoba omurumuna, ogwo nayebeiya. K'araba atalikugonza murumuna ow'atura nabona, yakugonza atai Ruhanga ow'atakabonaga? 21Mara akatuha omuhango ogu: Agonza Ruhanga agonzega n'omurumuna.

will be added

X\