1 YOHANA 1

1Nitubahandikira Kigambo w'oburora, ayabaireho kwema eirai lyona owo twahuliire, owo twayeboneire n'amaisho gaitu, owo twalebire nangu tukamukwataho n'emikono yaitu. 2Oburora bukaboneka, twabubona, twabwekomya, obwo nibwo burora obw'eira lyona obwo tulikubagambira, obwaturaga na Isheichwe kandi bukashuba bukazoka omuli ichwe. 3Oburora obwo twaboine tukahulira nibwo tulikushuba tukabagambira, nainywe mubone kuba hamoi naichwe; mara tuli hamoi na Isheichwe hamoi n'Omwanawe Yesu Kirisito. 4Ebigambo ebi nitubibagambira ebyera byaitu bibone kugobeelera. 5Ebi nibyo twahuliire aha Mwana wa Ruhanga mara nibyo tulikubagambira, okwo Ruhanga aba mushana mara omuli wenene tabamu mwilima n'akake. 6Katuragamba okwo tuli hamoi na wenene kandi okwo nitukora eby'omwilima, nitubeiya mara titulikurora kuhondera amazima. 7Kandi katulikukora eby'omushana, nk'okwo wenene Ruhanga aba mushana, aho naichwe nituba tuli hamoi, n'obwamba bwa Yesu Omwanawe nibutwogya amafu gona. 8Katwakugamba okwo tutaina bufu, nitwebeiya, n'amazima titwinago. 9Katurayetonda amafu gaitu ahali Ruhanga, wenene okwo aba mwesigwa mara w'amazima, aratugarulira amafu ago, atwogye n'entambara zona. 10Katuragamba okwo tutakafakaraga, aho nitubeiyesa Ruhanga kandi n'ekigambokye nituba tutakyekomize.

will be added

X\