1 ABAKORINTO 9

1Inye tindi mwegeleere? Inye tindi ntumwa? Yesu Omukama waitu tinamuboine? Isi inywe t'inye mbagobize aha Mukama? 2K'abandi baraba batalikwikiliza okwo ndi ntumwa, buzima ahali inywe ndi ntumwa. Kuba inywe muli bajulizi bange omuli Mukama okwo ndi ntumwa. 3Oku nikwo ndikwerabira ahali abo abalikumpakanisa. 4Isi titusaine kulya anga kunywa? 5Isi titusaine kugenda na bakazi baitu nk'okwo entumwa na barumuna Omukama na Kefa balikugira? 6Handiki inye na Barinaba chwenkai n'ichwe tutasaine kutakora milimo kuleba okwo turarora? 7Mwisherukareki atabara akashuba akeyemera wenene wenkai? Ni muntuki abyara emizabibu atagiliireho biraba? N'ohai ashumba obuhyo atanyoire matai gabwo? 8Ebi nabigamba nk'okwo abantu bagamba? Ebigambwa amateka tibyo byonene ebi? 9Nobona kikahandiikwa omu Mateka ga Musa kiti, «Ente elikulibata emyaka otaligikoma kanwa.» Isi Ruhanga nagamba aha nte? 10Ab'alikugamba t'ichwe? Ebyo bikahandikwa kurokora ichwe, enshonga omulimi asaine kulima aina eshuubi, n'alikushekura emyaka ashekura aina eshuubi okwo aha myaka arabonaho omugabogwe. 11Omuli inywe katuraba tubibiremu ebirungi by'omwoyo, kyakutama katwakubageshaho ebirungi by'aha mubili? 12K'abandi baraba babaihireho ehaki egyo, isi lero ichwe? Kyonkai ichwe ehaki egyo titugitoire, ebyo byona nitubileka buleka tutaija tukateraho evangeli ya Kirisito omuhingo. 13Isi timulikumanya okwo abakozi ba Rwensinga balya ekyakulya kya Rwensinga? N'okwo abakozi ba alutare balya aha bitambo? 14Nikwo n'Omukama yahangire abarangi b'evangeli kutungwa evangeli. 15Kyonkai inye tinkatongaga haki ezo na limoi. Kandi tindikuhandiika nti kubona bintu ebyo. Hakili nfe kushaaga omuntu kunyihyaho ekirampa ebyebugo. 16Kandikuranga evangeli ekyo tikilikumpa byebugo, aha rw'okuba nindagirwa kukora ntyo. Nagwerwa kanakuuba ntaarangile vangeli! 17Nomanya kandikukora ntyo nyeyendeire, erongoro ningihabwa. Kyonkai kanteyendeire nikwo kugir'oti omulimo ogu Ruhanga akagunkwasa bukwasa. 18Aho emperwa yange n'ehai? Niy'egi: Orwo ndikuranga evangeli, ngirange obuzira mperwa, mara ntatongire haki yange aha rw'enshonga y'okuranga evangeli. 19N'orwo ntalikugeleerwa muntu nkehindura mwiru wa bona, mbone kwihyayo bangi abashagireho. 20Aha Bayahudi nkaba Muyahudi nshobore kwihayo Abayahudi. Aha balikutwarwa Amateka nkeshusa alikutwarwa Amateka mbone kwihayo abalikutwarwa Amateka. 21Ahali balinya abatagira Mateka nkeshusa atagira Mateka, ti nk'atagira Mateka ahali Ruhanga, nawe nintwarwa Amateka ga Kirisito, nshobore kwihyayo balinya abatagira Mateka. 22Aha bajege nkehindura mujege, nshobore kwihayo abajege. Mbaire buli kantu aha bantu bona, mbone kugira abo naihayo omu ngeli yona yona. 23Byona mbikora aha rw'evangeli, mbone kubona ebirungi byayo. 24Isi timulikumanya okwo abasindana omu kwiruka bairuka bona, nawe omoi wenkai n'iwe ahabwa esiimi? Mwiruke mutyo mubone esiimi egyo. 25Buli mwiruki ayemanyiiza okwetanga buli kantu. Bakora batyo kwihyayo orukinga orulikuhwaho, kyonkai ichwe tuhiiga kwihyayo orutalihwaho. 26Nikyo nyirukira ntyo, tinfa gairuka; tindikuzana ngumi nk'alikutera obushai. 27Ekiliho nintera omubili gwange kugukiza amani, ntalija nkaba namazire kurangira banu evangeli bakanyanga.

will be added

X\