1 ABAKORINTO 8

1Aha byakulya ebyo bahongeire ebihuuku: Nitumanya okwo ichwena twina obumanyi. Kyonkai obumanyi bugiza eikuru, kandi engonzi zombeka. 2K'omuntu araba nalenga ati aina eky'alikumanya, talikumanya okwo aragiirwe kumanya. 3Nawe omuntu k'agonza Ruhanga, Ruhanga amumanya. 4Kityonu ebyakulya ebyo bahongeire ebihuuku, nitumanya okwo ekihuuku kitagira burora n'akake, n'okwo hatabayo Ruhanga wena wena shana omoi. 5Haliho bangi abetwa baruhanga, ebe mw'iguru anga mu nsi, mara habayo baruhanga bangi n'abakama bangi. 6Kyonkai ichwe tugira Ruhanga omoi wenkai, n'iwe Isheichwe, entabuko y'ebintu byona, na ichwe tuliho kuba tuli ba wenene, n'Omukama omoi Yesu Kirisito, ayatonzire ebintu byona, kandi na ichwe tuliho kuba tuli ba wenene. 7Kyonkai ti bantu bona baina bumanyi obu. Kandi abandi abamanyire okufukamira ebihuuku kugoba mwaha, nibalya enyama z'ebitambo; kyonkai aha rwa ishenkazi omutima kuyuga, nibebona bahagaire. 8Ebyakulya tibilikwija kutugobya ahali Ruhanga. Katutaliire titulikwija kuba kantu, n'orwo turalya titulikwija kwihyamu kameka. 9Kyonkai muralebage, obushobora bwanyu obw'okugira butyo butaija bukasiitaza abajege. 10K'omuntu arakubona iwe owo alikumanya, oli rwensinga y'ekihuuku nolya, tashumashumwe, ka ishenkazi omutimagwe araba ali mujege, akalya ebyakulya ebyo bahongeire ebihuuku? 11Kityo obumanyi bwawe buranaga omujege, murumuna waitu owo Kirisito yafelekeleire. 12Kityo kamulikuhuutaza ishenkazi omutima omujege omuli barumuna banyu nimuba nimubafakalira, mara nimufakalira Kirisito. 13Aha rw'ekyo k'ekyakulya kiraba kirasitaza murumuna wange, tindikuziza kulya nyama ntaija nkasitaza murumuna wange ogwo.

will be added

X\