1 ABAKORINTO 6

1Omuli inywe omuntu k'araba aina ebigambo na mutahiwe, yakumaza atai kutoija aha batakansi atatoizire aha baKirisito? 2Isi timulikumanya okwo abakirisito nibo baliramura ensi egi? Isi kamuraba muli b'okuramura ensi egi, emishango etaina mani nebalema? 3Isi timulikumanya okwo tuliramura abamalaika? Lero eby'omu nsi omu! 4Kamwina ebigambo ebilikushusha bityo, kubaki nimubitwalira ab'enteko etalikubonamu kantu? 5Nshoni kubona nimbagambira ebigambo ebyo. Kyakuba kitai omuli inywe kuburamu omuntu omumanyikwo kuramura abali barumuna? 6Omuntu natoijera omurumuna aha batakansi? 7Kuziza kutoijelangana ekyo ahali inywe kigoko. Kiki kutemilililizamu? Timukunda kulembwa? 8Kyonkai inywe nywenene nimushobya mara nimwakira banu omu magezi, nangu kubikora barumuna banyu nyabwanyu! 9Timulikumanya okwo ababi batalitaaha mu bukama bwa Ruhanga? Mutebeiya; babe njanga, anga abafukamira ebihuuku, handiki ensiyani, anga ensiyaga, 10anga abashuma, anga ab'omururu, anga entamiizi, anga ababeihi b'ebishuba, anga abanyagi, tibalitaha omu bukama bwa Ruhanga. 11Nainywe abandi nikwo mubaire muli. Kyonkai mbwenu mukoga mwayera, mwahinduka bagorogoki omw'ibara ly'Omukama Yesu Kirisito n'omuli Mwoyo wa Ruhanga waitu. 12«Ahali inye ebintu byona birungi,» kyonkai ti byona biina mugasho. «Ahali inye ebintu byona birungi,» kyonkai taliho kintu kyona kyona ekirandya mwoyo. 13«Ebyakulya bigya omu rubunda, n'orubunda rugibwamu ebyakulya,» kyonkai Ruhanga alibimaraho byombili, ekyakulya n'orubunda. Omubili tigwakukoza busiyani. Omubili gugendeleirwe kuba gw'Omukama, mara Omukama asingira omu mubili ogwo. 14Ruhanga akahimbura Omukama mara kwakwo naichwe omu bushoborabwe alituhimbura. 15Isi timulikumanya okwo emibili yanyu eba ngingo za Kirisito? Mbwenu nkwate engingo za Kirisito nzihongere omumalaya? Nikikabure! 16Timulikumanya okwo omuntu abyama n'omumalaya, wenene n'omumalaya ababa mubili gumoi? Nk'okwo kyahandikirwe kiti, «Ababili barabaga mubili gumoi.» 17Nawe ajwangana n'Omukama ajwangana nawe omu mwoyo. 18Mwelinde obujanga. Buli bufu obw'omuntu akora bukorwa enjai y'omubili; kyonkai omusiyani afakalira omubiligwe. 19Timulikumanya okwo emibili yanyu eba Rwensinga ya mwoyo Mutakatifu asingiire omuli inywe, owo Ruhanga yabatungire? Inywe timulikwetwara; 20ahakuba mukagurwa omw'iguzi lingi. Kityo mukoze emibili yanyu kuhaisa Ruhanga ekitinwa.

will be added

X\