1 ABAKORINTO 5

1Nikigambwa buli hantu okwo mwina obujanga, mara engeli y'obujanga etali na mu banyamahanga; omuntu kushwera mukaishe! 2Mara mwina eikuru! Manyasi mwakubaire nimuchura! Araba akozire ekikorwa ekyo, bamushende. 3N'orwo ndaba ntali hamoi nainywe mu mubili, ndi hamoi nainywe omu mwoyo. Okw'obon'oti ndi hamoi nainywe, 4n'akozire ekintu nk'ekyo namuramwire omw'ibara ly'Omukama Yesu. Orwo muraterana, nanye ndi hamoi nainywe omu mwoyo omu mani g'Omukama waitu Yesu, 5omuntu ogwo mumukwase Sitani amwite omubili, kyonkai omwoyogwe gurokoke aha kiro ky'Omukama Yesu. 6Okweshalingya kwanyu ti kurungi, timulikumanya okwo eitumbyo like litumbisa ensano yona? 7Okwo mulikubona muli mikate etatumbisiibwe, eitumbyo elyakurukwire mulinage mubone kuba nsano empya. Aha rw'okuba Kirisito akataama kaitu ka Pasika, akatambwa ekitambo. 8Aha rw'ekyo tukore obugenyi, tutabukoza itumbyo elyakurukwire, eitumbyo elyo nigwo mutima gw'orwango n'entambara: Tubukoze omukate ogutatumbisiibwe, nibwo bwesigwa n'amazima. 9Nabahandikiire omu barua yange kutamanyiirana na enjanga. 10Tindikugamba basiyani bona bona ba nsi egi, anga ab'omururu n'abanyagi, anga abalikufukamira ebihuuku; kitali kityo mwakusaine kuruga omu nsi. 11Inye nkabahandikira nti: Mutamanyirana na muntu alikumanyika okwo ali murumuna wanyu kyonkai okwo ali musiyani anga muntu ow'omururu, anga nafukamira ebihuuku, omubeihi w'ebishuba, entamiizi anga omunyagi. Omuntu nk'ogwo n'okulya mutalya nawe. 12Isi mulimo gwange kuramura abatali bakirisito? Isi ti mulimo gwanyu kuramura abali baKirisito? 13Abatali baKirisito Ruhanga n'iwe alibaramura. «Omuntu omubi mumushende abarugemu.»

will be added

X\