1 ABAKORINTO 16

1Omuchango gw'okujunisa abakirisito: Nk'okwo naragiire enteko za Galasia, na inywe mukore mutyo. 2Buli kiro ky'Eilimansi buli muntu agire omuchango kuhondera obungi bw'eby'aboine, agwahure agute hagwo; tikugugira orwo ndaba naizire. 3Kandamara kwija, aho abo murasiima ndabaha ebarua z'okubanjura, batware eshumbusho ezo Yerusalemu. 4Kakirazoka nanye ngende, ndagenda nabo. 5Nyina endalira y'okurambura Masedonia. Kandamara kugirambura ndaija mbalebe. 6Haliho orwo nakubaikaraho, anga nangu kubamaraho ekirumo ky'embeho, mwije munshagare hona mbali ndaba ningya. 7Kyonkai igenda eli tindikwenda kufa gabarabaho; ninshuubira kwikara nainywe akaanya kake, k'Omukama arayenda. 8Shana ninyija kwikara Efeso kulemwa kugoba ahali Pentekosite; 9ahakuba mboineyo eikora lingi, kandi abahakani nabo bangi. 10Ka Timotheo araija mumunyegeze kurungi, kuba ali aha rubimbi rw'Omukama nka inye. 11Kityo omuntu atakumugaya. Mumutekatekerege orugendo, nirwo aragarukira owange; aha rw'enshonga nimutegera kugaruka na barumuna baitu. 12Kandi murumuna waitu Apolo ogwo mugambire muno k'aija na barumuna baitu abandi kubakyalira, kyonkai takenzire. K'arabona akashango araija. 13Muramanya, mugume omu kwesiga kwanyu, mube manzi, mutayuga. 14Ebyo mulikukora byona bikorwe omu ngonzi. 15Barumuna bange, nimumanya okwo omutungo gwa Sitefana omuli Akaya nibo babaire ba mbere kuhinduka, mara bekomire akakiike kujuna abakirisito. Barumuna bange nimbatagiliza, 16abantu nk'aba mubahulire, muhulire n'abalikuchwazikana nabo. 17Ninshemelerwa okwija kwa Sitefana na Forutunati, na Akaiki, ahakuba bammaramazire orwo mbaire ntaina inywe; 18bammaramazire nk'okwo babaire bamaramara inywe. Abarungi nk'aba murabataho omutima. 19Enteko za Asia nizibakeisa. Akila na Purisila, hamoi n'enteko ey'omu nju yabo nibabakeisa muno nka barumuna banyu. 20Barumuna baitu bona nibabakeisa. Na inywe mukeisangane nimunywegerangana omunywegero gutakatifu. 21Inye, Paulo, n'inye ndikuhandikisa omukono gwange ebishuuro ebi. 22K'omuntu araba atalikugonza Mukama, omuntu ogwo n'akaraamwe. Mukama waitu, bonwa! 23Omugisha gw'Omukama Yesu gube na inywe. 24Nimbagonza inywena omuli Kirisito Yesu. Amina.

will be added

X\