Tito 3

1Teesira ba, ni ba tira nadima ni kpemba jilima, ka da zagsira, ka niŋi siriya tumina tumsuma zaa, 2ni ba da togsira yabeeri ŋmeŋsira so zaa, ka da dira amoreseesi n taasira zabiri, ama ba ba boin, ka tira so zaa jilima. 3Nyaasi, ti daa n zoligini, a zagsira jilima, ka bi paara yamonsi zu, ka ti kiperi ni yaseesi kpabirisim daa n miina ti, ka ti daa n mari halibee, a ni pubeerim, ka ba daa n chisira ti, ka ti mi daa n chisira taaba. 4Ama Naawunni, so n moligira ti la daa n ti ti nye o yasuma, a ni seema o n kpabira niriba, 5ka moligi ti. O n daa n moligi ti maa, o daa n naag o sii ti ti, ti lee n loobi n niŋi nivupaala, ka ba su ti koom. O niŋi n ŋa, pa a kpali ti yasuma niŋinisim zu, ama o zo ti nimbaa, 6ka ti ti o sii ga, a kpali Yeesu Kristu, so n niŋi ti moligira la zu. 7O niŋi n ŋa, ti ti nye barika, a loobi n niŋi nivusuma Naawun saani, ka mari tama nye nyevuriso n ka baasigu la. 8Yamonsi n na. M kpabira e naa yela ŋa wusira ba daamatiri, ba seesi n niŋina Naawunni yeride ba moo nufu niŋina yasuma. Yela ŋa veela, ka mari tono niriba saani. 9Ama, e chisira amoreseesi n niŋi zoltiri la diibu, a ni yaadima yuya togsigu, a ni zabiri, a ni Juusi dima zaaligusi zabirisim. A kpali bo, a ka tono, ka bi moligira so zaa. 10Nyaasi, so zaa n barigira wusigu maa, zabi u buluŋko, koo buyi. Ama, ka o na zagsira, e da lee n wara o saani. 11A kpali bo, so zaa n niŋina n ŋa bi paara yamonsi zu, ka yabeseesi o n niŋina maa wusira maa, o liya. 12M ŋmeni m sufu maa, waari jemani m ni zi Nikopoli. A zu, m pa ti tumi Atima, koo Tikika, niŋi aniya ta nisaaniŋi. 13Moo nufu moligira Zeena, so n niŋi zaaligubaŋina maa, a ni Apolosi, ba nye bunso zaa ba n kpabira, ka wara tiŋsi. 14A veela e n wusira ti taaba ba yi niŋina yasuma, a moligira seesi n nyaara nam, ka da ba niŋi putoom. 15Seesi zaa n ba m saani puusira i. Puusi seesi n kpabira ti, ka niŋina Yeesu yeride. Naawunni ti ya zaa barika.

will be added

X\