1 Tito mani Pool puusira i. E niŋini maa m bii gbagba, a kpali ti Yeesu yeride niŋinisim puwa. Nyaasi, m tuminini Naawunni, ka niŋi Yeesu Kristu tumu, a ti niseesi Naawunni n nyisi la ba niŋina Yeesu yeride nene, ka baŋŋi yamonsi, seema Naawunni n kpabira, ka mari tama maa, ba ni nye nyevuriso n ka baasigu la. Kusu zaa Naawunni daa n ti noori, ni o n di n ti ti nyevuri maa, ka o bi ŋmaara jiri. O jemani maa n daa n paa, wune Naawunni, so n moligira ti, o ti m ni niseesi ti wusira a yela. Ti ba Naawunni, a ni ti moligira Yeesu Kristu, ba ti i barika, a ni niŋgbirimaasim. 5 Bunso zu m daa n cheli i yi Kiriiti paaligu n ŋa, e niŋina yaseesi na n bi niŋi la nene, ka nyisira kpemba yi tiŋsi zaa, seema ni daa n wusi i la. 6 Chaachi kpemba ba da niŋina yabeeri, ka mari pogiluŋko, ka ba biisi niŋina Yeesu yeride, ka da mari halibee, ka da zagsira ba badima noori. 7 So zaa n niŋi chaachi yipaara tumina Naawunni, o da niŋina yabeeri, ka da kpalimina, ka da nyisigira suuri yoomyoom, ka da kuuna, ka da mari halibee, ka da naa zolinsitiri nyaara bini, 8 ama, o deegira saamba, ka kpabira yasuma, ka baŋŋi o maŋŋa niŋi, ka kpabira yamonsi, ka tumina Naawunni nene, ka diisira o sufu, 9 ka yi paara wusiguso n niŋi yamonsi, seema ba n wusi u la, o naa wusigusuma maa wusira niriba nene, ka mi wusira amore diriba seema ba n bi togsira yamonsi. 10 Nyaasi, nivudamta bi paara wusigu maa zu, ka togsira jagajaga, ka yomsira. N ŋa n na niseesi n kpabira ba ŋmaara dabsi zaa yoya la niŋina. 11 Ba wusira yaseesi n bi daga, a kpabira ligiri, ka ti yiriguna dima zagsira Yeesu yeride niŋinisim. A zu, o veela e n kari ba, a yi ba wusigu maa niŋi. 12 Nyaasi, Kiriiti paaligu dima gbagba chaame daa n yeliya, ni o paaligu dima yi ŋmaara jiri, ka niŋina yabeeri ga, ka mari zinyagiri ga. 13 Seema o n daa n yeli maa niŋini yamonsi, a zu, yeli ba kpeeŋtiri, ni ba da wumina Juusi dima sulima, koo zaaliguseesi yomsiriba n wusira, ama ba niŋina Yeesu yeride nene. 15 Lee n nyaasi, a yi nivusuma saani, yela zaa niŋini yasuma, ama a yi nivubeeri saani, yeride ka niŋi, ka yela zaa niŋini yabeeri, ka ba sufusi yi feera feribeeri. 16 Ba yetira, ni ba baŋŋi Naawunni, ama ba yaniŋisa wusira maa, ba bi baŋŋi u. Ba mari halibee, ka zagsira Naawun yela, ka ki tee n niŋi yasuŋŋu zaa.
