Aroom 9

1Yaseesi ni ya n yeli ya ŋa niŋini yamonsi, ka bi niŋi jiri. A kpali bo, m paarini Kristu zu. M sufu ni Naawun sii gba baŋŋi seema ni mari sufusaaŋu ga taaru zaa, a kpali m taaba Juusi dima zu. 3Ba niŋini Asiree dima, ka kusu zaa Naawunni daa n boona ba o biisi, ka daa n ti ba nye o daama, ka o ni ba daa n maali sagirisim, ka o daa n zaali ba o zaaligusi, ka wusi ba seema ba n di n kpeesira u, ka ti ba noya. Ka ba yaadima n daa n niŋi Ibrahim, a ni Isaaka, a ni Yakubu, a ni o biisi, ka Kristu, so Naawunni n daa n tumi durinye ŋa puu la niŋini ba baligu. Wune Naawunni mari daama gaari bunso zaa, cheli niriba ba kpeesira u, a wara. Halli lala zaa, ba zagsirini Kristu. A zu, m kpabira m gba m di nye naŋgbansiibu, ka di bi lee n niŋi Kristu toori, m ti moligi ba. 6Yela ŋa gbinni bi niŋi maa Naawun naŋgbantiibu ka daama. O gbinni niŋi maa, pa Yakubu yaŋsi zaa n niŋi o toori, 7koo, pa Ibrahim yaŋsi zaa n niŋi maa Ibrahim, a maa seema Isaaka yaŋsi koluŋko n niŋi Ibrahim yaŋsi. 8O gbinni niŋi maa Naawun biisi bi niŋi Ibrahim yaŋsi, a maa seema pogiba n dogira ba, ama seesi zaa Naawunni n ti noori la. Barima n niŋi maa Ibrahim yaŋsi. 9Ya nyaasi. Kusu zaa Naawunni daa n ti ti yaa Ibrahim noori, a yeli, Yumini n ŋa saŋa zu m ni lee n ta, ka e poga Seera ni dogi biduwa. Jemani maa n daa n ti paa o dogi bii maa. Ba boona u Isaaka. Niŋi n na, Isaaka nyisigi, ka naa pogiso ba n boona Arebeka, ka ti o mari jaasi puwa. 11A jemani maa ba yaadima yela daa n niŋi maa jaso n piili n yi wune n niŋi kpeema. Ama ka poga maa daa n na bi dogi jaasi maa, ba yeli u maa, so n ti pa nyaaŋa ni loobi kpeemdaana. Ba yelini n ŋa, ka o daa n na bi dogi jaasi maa, jaasi maa na bi niŋi yela zaa, halli yasuma, koo yabeeri. A zu, ti baŋiya maa, pa jaasi maa yaniŋisa zu ba daa n yeli n ŋa, ama a kpali Naawunni n daa n nyisi ba yindaana la. 13Seema kusu zaa Naawunni n daa n ti ba sebi n digili, ni Yakubu ma kpabira, ka bi kpabira Yiiso. 14A kpali yela ŋa zu, seesi ni yeli maa, Naawunni bi dira seriya nene. Ama lala bi niŋi yamonsi, 15a kpali seema kusu zaa Naawunni n daa n yeli Musa, ni o ni zo nimbaa tira seesi zaa o n kpabira. 16A zu, nisaaldima yaniŋisa bi taasira moligirisim, ama seema Naawunni n zora nimbaa la. 17Lala n na, kusu zaa Naawunni daa n yeli Yijipi paaligu naaba, ni m daa n ti e nyisigi, nisaaldima ba nye seema m kpeeŋu n be, a yi seema ni ya n niŋi i, so zaa ba yetira m yela, a yi durinye ŋa puu zaa. 18A zu n na, Naawunni zora seesi o n kpabira nimbaa, ka mi ti seesi zagsi o yela. 19Ama ya ni yeli ma maa, nivu zaa ki tee n zagsi seema Naawunni n kpabira. A zu, wula n na Naawunni yetira maa, nivu n niŋina yabeeri? 20Ya nyaasi. Ka nivu mari naŋgbaŋkpeemini Naawun saani n ŋa, lala veela? Akayi. A kpali bo, dugu ki tee n boosi dugumeera bunso zu o n me u n ŋa. 21Ama meera maa mari daama o naa yagiri meera seema o n kpabira, halli duguso n mari jilima, koo so ba n naa n dugira. 22Lala n na, kusu zaa Naawunni gba daa n maali nisaaldima, ka mari kenyiti, a yi yabeniŋiniba saani, seesi o n maali ba ti nye tubiri darigirisim, a ni kum la, a wusira niriba seema o n di n ti ba nye tubiri darigirisim, a ni seema o daama n be. 23O niŋini n ŋa, o ti wusi seema o ni zora niriba nimbaa ga, seesi o n daa n maali, ba ti nye o barika ŋa. 24Ka o nyisi ti ni, a yi Juusi dima, a ni baligusi zaa puusi, 25seema kusu zaa Naawun chaameso ba n boona Hosiya la n daa n sebi n digili, ni Naawunni yeli, Seesi n daa n bi niŋi m niriba, m ni booli ba m niriba. Koo, niseesi ni daa n bi kpabira, m ni booli ba m bikpabiriba. 26Ka seela ba n daa n yeli ba maa, ba bi niŋi m niriba, nisaaniŋi ba ni booli ba Naawunni gbagba biisi. 27Ka kusu zaa Naawun chaameso ba n boona Azaya la daa n yeli Juusi dima yela, ni halli ka Yakubu yaŋsi loobi n zoo maa teeku tambisigu, ba beela ko ni nye moligirisim. 28A kpali bo, ti duuma ni di durinye dima zaa seriya yoom. 29Seema Naawun chaame Azaya n daa n yeli ni, ti duuma Naawunni, ka o daa n di bi ti ti yaadima dogira biisi, ti di ki ba niŋi, a maa tiŋseesi ba n daa n boona Sodom ni Gomora la dima. 30Ya nyaasi. Baliguseesi, halli ba daa n bi moo nufu loobira niseesi Naawunni n boona nivusuma la, ba loobini n ŋa, a kpali ba n niŋina Yeesu yeride la zu. 31Ama Juusi dima daa n moo nufu loobira niseesi Naawunni n boona nivusuma la, ka loobi n je. 32A kpali bo, ba ka yeride niŋinisim maa, ama yaniŋisa ko. Lala n na ba tulimi, a maa ba ŋme nobiri li, 33seema kusu zaa ba n daa n sebi n digili, ni Ya nyaasi, mani Naawunni ya n naani kugiri, a digili Jiruusilim tiŋŋa puwa, ka niriba ni ŋme ba noba, a liira. Ama seesi n niŋina u yeride, vi ki gbaa ba.

will be added

X\