Aroom 6

1Ya nyaasi, ka niso yetira ti, ni o veela ti n niŋina yabeeri, Naawunni o nye daama tira ti barika ga, a moligi ti, lala veela? 2Akayi. A kpali bo, yabeeri lee n ka daama ti saani, ti ki lee n tee n niŋina a. 3Ya lee n nyaasi. Ba n su ti koom, a kpali Yeesu Kristu zu, o niŋini maa ti ni nu n kpi, 4ka seema ba n daa n pi u la, ti koom suubu maa niŋini maa ba pi ti ni nu zaa, ti ti nyisigi n mari nyevuripaali, seema o ba Naawunni n daa n naag o daama nyisigi u, a yi kum puu la. 5Lala n na, ka o niŋini maa ti ni nu n kpi la, ti ni nyisigi seema o n daa n nyisigi la. 6Ka ti mi baŋŋi maa, ti yakura kpini, seema ba n daa n kpa Yeesu, o kpi la. Lala n na ti yabeeri kpabirisim kpi, yabeeri maa a da lee n miina ti. 7A kpali bo, seesi n kpi la bi lee n kpabira ba niŋina yabeeri. 8Lala n na, ka ti ni Kristu n kpi la, ti baŋŋi maa, ti ni nu ni ba niŋi. 9A kpali bo, ti baŋiya maa, Naawunni daa n nyisigi Kristu, a yi kum puu la, ka o ki lee n tee n kpi zaa, a kpali bo, kum lee n ka daama o saani. 10O n kpi la, o kpi n ti nyaŋŋi yabeeri zaa nyam, ka ki lee n kpi zaa. Ama nyevuriso o n mari la zu, o bani Naawun saani, ka tumina u. 11Lala n na ya gbagba ya baŋŋi maa, yabeeri lee n ka daama ya saani, ama Naawunni ti ya nyevuri, ya ti tumina u, a kpali Yeesu Kristu zu. 12A zu, ya da ti durinye ŋa puu niŋasi ti ya niŋina yabeeri, 13koo, a naa ya niŋasi maa wula niŋina yabeeri, ama ya naa ya wula ni niŋasi zaa paara Naawun kiperi zu, a maa ya n kpi, ka lee n nyisigi. 14Lala n na, yabeeri ki lee n mari daama ya saani, a kpali bo, ya bi lee n paara zaaligusi zu, a kpabira moligirisim jeera, ama Naawunni zora ya nimbaa. 15Ya lee n nyaasi, a kpali ti n bi lee n paara zaaligusi zu, a kpabi moligirisim jeera, ama Naawunni zora ti nimbaa la zu, o bi daga ti niŋina yabeeri. 16A kpali bo, ya baŋiya maa, ka ya sagi n paara maa gi maa girunsi, ka ni kpi. Ama ka ya paara yamonsi zu, ya niŋini yamonsi maa girunsi, ka a ti ya loobi maa niseesi Naawunni n boona nivusuma la. 17A zu, ti kpeesira Naawunni. A kpali bo, ya daa n niŋini yabeeri girunsi, ama ya loobi n paara yaseesi ba n wusi ya maa zu, a ni sufuluŋko, 18ka bi lee n niŋi yabeeri girunsi, ama yasuma. 19Ya nyaasi, m naani nisaaldima yela ŋa wusira ya, a kpali ya n feera maa nisaaldima la zu. Seema ya n daa n niŋi yabeeri girunsi, a niŋina yabeeri ga, ma kpabira ya niŋi yasuma girunsi pimpariŋa, seema n petira Naawunni. 20Jemanso ya n daa n niŋi yabeeri girunsi la, ya baga daa n ka yasuma niŋi. 21Ama ya daa n bi nyaara tono, a yi yabeeri maa puwa. A kpali bo, a yi taasira kum, ka pimpariŋa yaseesi ya n daa n niŋina maa ti vi gbaagira ya. 22A kpali bo, ya pa loobi Naawun girunsi, yabeeri lee n ka daama ya saani. N ŋa mari tono ga, a kpali bo, ya niŋini Naawun toori, ka nSeema ya n daa n niŋi yabeeri girunsi, a niŋina yabeeri ga, ma i nye nyevuriso n ka baasigu la. 23Lala n na, yabeeri taasira kum, ama Naawunni naa nyevuriso n ka baasigu la piira ti piini, a kpali ti duuma Yeesu Kristu zu.

will be added

X\