Aroom 16

1M taaba, pogiso ba n boona Fiibi, ka niŋi suŋina, a yi Senkiriya chaachi la puu chena ya saani. 2Ya deeg u nene, seema n daga ba deegira Naawun niriba, a kpali ti duuma zu, ka ya tira u bunso zaa o n kpabira. A kpali bo, o gba moligira nivudamta, a ni mani. 3M puusira Akila ni o poga Pisila. A kpali bo, ba daa n paasi ma tumina Yeesu Kristu, 4ka daa n niŋi siriya ba kpi n ti moligi ma. A zu, m puusira ba ga, ka baligusi chaachisi zaa gba puusira ba. 5M mi puusira Yeesu nyaaŋpaariba, seesi yi n laŋsira ba yiri. M puusira m zo Apaneto, so n daa n piili n loobi Yeesu nyaaŋpaara, a yi Asiya paaligu puu la. 6M puusira Mariama, so n daa n tumi n ti ya ga la. 7M puusira Andironika, a ni Juniya. Ba niŋini m taaba Juusi dima, ka daa n daŋŋi ma paara Yeesu zu, ka ba daa n yo m ni ba zaa dii. Ba yuya mi daa n du, a yi Yeesu tumusi maa saani. 8M puusira Ampilata. O niŋini m zo, a kpali ti duuma zu. 9M puusira Wuribana, so n daa n paasi ti tumina Kristu. M mi puusira m zo Taku. 10M puusira Apele, so n tumina Kristu nene la, a ni Aritobula yiri dima, 11a ni Herodona, ti Juusi dima todaana, a ni Yeesu nyaaŋpaariba, seesi n ba Naasisa yiri la. 12M puusira ti duuma pogituminiba Tirufiina ni Tirufosa, a ni Perisi, so yela ti n kpabira la. Wune n daa n tumina ti duuma ga. 13M puusira Aruufusi, so n tumina ti duuma nene, ka mi puusira m ni nu zaa ma. 14M puusira Asunkita, a ni Filega, a ni Haami, a ni Patiroba, a ni Haama, a ni ba taaba Yeesu nyaaŋpaariba n laŋsira ba saani la. 15M puusira Filoga, a ni Juliya, a ni Nera ni o sunzopoga, a ni Alimpa, a ni Naawun niriba zaa n laŋsira ba saani la. 16Ya puusi taaba nene. Kristu chaachi dima zaa puusira ya. 17M taaba, m suusira ya ni, ya dasi seesi n zagsira seema ba n daa n wusi ya la, ka taasira barigirisim ni yabeeri. Ya da paara ba zu. 18A kpali bo, seesi n niŋina ŋa bi tumina ti duuma Yeesu Kristu, ama ba gbagba kiperi. Ba yi marini naŋgbanmeesim, a yomsira seesi n bi baŋŋi yomsiriba yela. 19M marini pupeelim, a kpali niriba zaa baŋŋi seema ya n paara ti duuma zu, ama m kpabira ya mari yam, a niŋina yasuma, ka da niŋi yabee zaa, 20Naawunni, so n tira niŋgbirimaasim la, o nyaŋŋi Sitaana ti ya yoom. Ti duuma Yeesu Kristu ti ya barika. 21M todaana tumtumina Timoti puusira ya, ka m taaba Juusi dima, Lukiya ni Jeesin ni Sopata gba mi puusira ya. 22Mani Taatiya, so n sebi gbaŋaa digili puusira ya, a kpali ti duuma zu. 23Gaya, so n dee mani Pool, a ni chaachi maa zaa puusira ya. Arisita, so n nyaasira tiŋaa ligiri, a ni ti todaana Kaata puusira ya. 25Ya nyaasi. Naawunni, so n ka baasigu la ni tee n naa Yeesu Kristu yaseesi m ni niseesi n wusira la, a ti ya za ziluŋko. A yi bunso zaa pii ŋa. Ama Yeesu Kristu daa n ta, ka wusi a gbina. Ka Naawunni ti ti naag a, a ni yaseesi o n daa n ti o chaamesi sebi n digili kusu zaa la wusira baligusi zaa, ba ti niŋina u yeride, a paara o zu. 27A zu, Naawunni, so ko n mari yam, ya cheli ti kpeesira u, a yi Yeesu Kristu niŋi, a wara saŋa ni saŋa zaa.

will be added

X\