Aroom 13

1So zaa o paara nadima zaaligusi zu. A kpali bo, ba daama yini Naawun saani, so ko n tira daama. 2A zu, so zaa n zagsira nadima zaaligusi zagsirini seema Naawunni n zaali, ka ni nye tubiri darigirisim. 3A kpali bo, nadima bi ti dabeem mari seesi n niŋina yasuma, ama yabeniŋiniba. A zu, ka ya kpabira ya da zora naso zaa dabeem, ya niŋina yasuma, ka ya nye kpeesigu. 4A kpali bo, nadima niŋini Naawun tumtuminiba, a moligira ya. Ama ka ya niŋina yabeeri wune, ya zora dabeem. A kpali bo, ba bi niŋi nadima putoom, ama Naawunni n ti ba daama, ba darigira yabeniŋiniba tuba. 5A zu, paara ba zu, Naawunni o da darigi ya tuba, ka ya feri feera, a da wusira ya maa ya niŋina yabeeri. 6N ŋa zu n na, ya yoora lampoo. A kpali bo, Naawunni n ti nadima daama ba deegira n ŋa. 7Lala n na, ya ti so zaa seema n daga, halli lampoo yoobu, koo jilima tiibu, koo kpeesigu. 8Ya da ti bunso zaa samini pa ya, ama taaba kpabirisim ko. A kpali bo, so n kpabira o todaana paarini Naawun zaaligusi zu 9Ya nyaasi. Naawun zaaligusi maa wusira maa, nira o da kpabira o todaana poga, koo sira, ka da kuura, ka da zuura, ka da kpabira taaba bini. Zaaligusi ŋa, a ni a seesi n che maa gbinni n niŋi maa, so zaa o kpabira o todaana, a maa seema o n kpabira o gbagba la. 10A kpali bo, so n kpabira o todaana ki niŋi u yabee. A zu, taaba kpabirisim niŋini zaaligusi maa paarisim. 11Ya lee n nyaasi. Ya baŋiya maa, jemani maa paagira, a zu, ya nyisigi gbeem niŋi, a kpali bo, ti n daa n piili n niŋina Yeesu yeride la, a wa ti paa o taabu daari daa n yuuya ga, ama pimpariŋa a ki lee n yuu ga, ka o ta. 12O niŋini maa yiiŋu n baasira, ka bee ya n chee. A zu, ti da niŋina yaseesi n niŋi ligu toori, ama yasuma, seesi n niŋi paaligu toori, a da kuuna, koo, a kpabira taaba pogiba, koo siriba, koo, a kpabira yabeeri, koo, a zabira, koo, a mari pubeerim. 14Ama ya paara ti duuma Yeesu Kristu zu, ka da lee n paara ya niŋasi kiperi la zu.

will be added

X\