1 M taaba, a kpali seema Naawunni n zora ya nimbaa la, m suusira ya ni, ya naa ya niŋasi tira u, seema ba n naa buŋkobiri ku n tira u, ama ya wune na ba durinye puwa, ka niŋina o kiperi. N ŋa niŋinisim n daga. 2 A zu, ya da niŋina seema durinye ŋa dima n niŋina, ama ya ti Naawunni cherigi ya, a ti ya feripaala, ya baŋŋi o kiperi, so n veela ga. 3 Ya nyaasi. A kpali barikaso Naawunni n ti ma maa zu, m yetira ya zaa, ni ya da mari yakara, ama ya feera yamtiri, a maa seema Naawunni n ti ya so zaa niŋina Yeesu yeride la. 4 Ya lee n nyaasi. So zaa mari o niŋa, ka o niŋa maa mari wula ga, ka a zaa tuma kuri. 5 Lala n na, ti Yeesu Kristu nyaaŋpaariba zoo, ama ti zaa niŋini maa niŋaluŋko. Ka so zaa niŋi maa niŋa maa wulli. 6 A zu, so zaa mari o tuma, seema Naawunni n ti u daamasi. So n niŋi Naawun chaame, o niŋina lala, seema o yeride niŋinisim n be. 7 So n niŋi moligira, o moligira. So n niŋi wusira, o wusira. 8 So n duusira niriba zuuri, o duusira. So n piira piini, o piira nene. So n mari daama, o tumina nene. So n zora nimbaa, o niŋina lala, a ni pupeelim. 9 Ya niŋi aniya kpabira taaba yamonsi, ka chisira yabeeri, ka yi niŋina yasuma, 10 ka kpabira taaba maa nira ni o mabiya, ka niŋi aniya tira jilima, 11 ka da mari zinyagiri, ka moo nufu tumina ti duuma, 12 ka mari pupeelim, a kpali ya tama niŋinisim zu, ka mari kenyiti, a yi nam niŋi, ka yi togsira Naawun saani, 13 ka tori n tira Naawun niseesi n niŋi nandaandima, ka deegira saamba. 14 Ya suusira Naawunni o tira seesi n namsira ya la barika, ka da siira ba noya, 15 ka mari pupeelim, a yi seesi n mari pupeelim saani, ka kumina, a yi seesi n kumina saani. 16 Ya moo nufu mari naŋgbanluŋko taaba saani, ka da mari yakara, ama ya moligira nandaandima, ka da kpalimina. 17 Ama ka nivu niŋi ya yabeeri, ya da niŋi u yabee, ama ya yi niŋina yasuma tira niriba zaa, 18 ka moo nufu nyaara niŋgbirimaasim, a yi niriba zaa saani. 19 M taaba, ka nivu niŋi ya yabeeri, ya da niŋi u yabeeri, ama ya cheli Naawunni o darigi o tubiri, a maa seema kusu zaa ba n daa n sebi n digili, ni mani Naawunni ni darigi yabeniŋiniba tuba. 20 A zu, ka kom mari e dimma, ti u bindira, o di. A koo, konyuuri mari u, ti u, o ŋu. A kpali bo, ka e niŋi lala, e ni ti vi gbaag u ga. 21 Da ti yabeeri nyaŋŋi i, ama naa yasuma nyaŋina yabeeri.
