Soosa zu yela 5

1A yi so n zi naalim kogu maa niŋi la nudii zu, ma nye gbaŋŋu, ba sebi n niŋi o lugima ayi zaa, ka kpili u, ka tabi u buyapoin zu, ba da tee n yoog u. 2Ka ma lee n nye malaki, so n mari kpeeŋu ga, ka o tasi n boosira, ?ani n daga o n di n yagi gbaŋŋu maa tabirisim ziisi, ka yoog u? 3So zaa ka saazu ni tiŋŋa, a ni tiŋŋa gbinniŋi, o n di n tee n yoog u, ka nyaasi o puwa. 4A kpali ba n bi nye so zaa n daga o n di n niŋi lala, ma kumi ga. 5Kpemba maa yindaana yeli ma, Da kumina. Gbalaŋgbagu la n yi Juuda baligu puwa, ka niŋi naaba Dawuda yaŋŋu la nyaŋiya, ka ni tee n yagi o ziisi ayapoin maa, ka yoog u. 6A jemani maa, a yi naalim kogu maa, a ni buŋkobiri anaasi sunsuu niŋi, ma nye pebila n za kpemba maa puwa, a ŋmaani so ba n ku, ka mari siila ayapoin, a ni nimbiisi ayapoin. ?arima n niŋi Naawun siisi ayapoin la o n daa n tumi, a ta durinye puu zaa la. 7Niŋi n na, pebila maa wa ti dee gbaŋŋu maa, a yi so n zi naalim kogu maa nudii la saani. 8O n wa ti dee gbaŋŋu maa, buŋkobiri anaasi la, a ni kpemba pisiyi ni banaasi la li, a yi o yiya. Ka kpemba maa zaa mari jirigoosi, a ni suga katisasi n paali tulale. Tulale maa niŋini maa Naawun nivusuma suusigu. 9Ka kpemba maa yiimi yiimpaali, a yeli, Nyini n daga e n di n yagi ziisi ayapoin maa, ka yoo gbaŋŋu maa. A kpali bo, nyini n na ba daa n ku, ka e kum maa moligi nivudamta ti Naawunni, a yi baligusi ni yatogasi dima zaa puwa, 10ka ti ba loobi baligu yindaana, a tumina ti ba Naawunni, ka nyaasira durinye. 11Niŋi n na ma nyaasi n poli n jili naalim kogu maa ni buŋkobiri maa ni kpemba maa, ka wumi malakidamta goosi, a paa tusa ni tusa, 12ka ba yetira, Pebiliso ba n daa n ku la n daga o mari daama, a ni bindaalim, a ni yam, a ni kpeeŋu, a ni jilima, a ni barika, a ni yuuri duubu. 13Ka ma wumi binvuusira zaa, a yi saazu ni tiŋŋa, a ni tiŋŋa gbinniŋi, a ni teeku puu n yetira, So n zi naalim kogu niŋi, o ni pebila maa yuya a du, ba nye barika, a ni jilima, a ni kpeeŋu, a wara saŋa ni saŋa zaa. 14Buŋkobiri anaasi maa yeli, Aami. Ka kpemba maa gba tiŋŋa, ka kpeesira.

will be added

X\