Soosa zu yela 12

1Niŋi n na, a yi Alizaana, ma nye yatintaa, poga n pili wuluŋu, ka za ŋmeriga niŋi, ka a yi o zu ŋmeribiisi pii ni ayi pili, 2ka o mari puwa, ka pemina, ka kumina, a kpali beerim maa zu. 3Ka ma lee n nye yayindaana, buŋkobtintaa n niŋi maa nyeutintaa, ka niŋi binzee, ka mari zuuri ayapoin, a ni siila piiya, ka zuuri maa zaa mi pili nadima zupilisi. 4O mi mari zuuri, a kpaasira ŋmeribiisi ga, a basira tiŋŋa. Niŋi n na, nyeutintaa maa wa ti za poga maa n dogira maa yiya, o naa bii maa ŋobi. 5Poga maa dogi daba, so n ya n di baligusi zaa naalim, a nyaasira ba kpeeŋtiri. A puli maa niŋi Naawunni mari bii maa gaari o naalim kogi maa ziya, 6ka poga maa zo n gaari dalimpii puwa, seela Naawunni n maali n ti u, o wa ti ba niŋi daba tusa, ka niŋi binzee, ka mari zuuri ayapoin, a ni siila piiya, ka zuuri maa zaa mi pili nadima zupilisi. 7Niŋi n na, toowa nyisigi, a yi Alizaana, Mayiku ni o malaki taaba zabira nyeutintaa la ni o gba malaki taaba. 8Ka Mayiku ni o malaki taaba di ba, ka kari ba, a yi Alizaana, 9ka naa ba lobi durinye puwa. Nyeutintaa maa niŋini Sitaana, so n yomsira durinye ŋa zaa, ka kusu zaa daa n loobi waafu yomsi Hauwa la. 10Niŋi n na, ma wumi goo, a yi Alizaana, n tasi n yeli, Pimpariŋa ti baŋiya maa, Naawunni dini naali6 ka poga maa zo n gaari dalimpim, a ni daama, a ni Kristu daama, a moligira ti. A kpali bo, so n daa n samina ti taaru ni yiiŋu la, ba lobi u basi. 11Seema ba n nyaŋŋi u la n ŋa, pebila maa daa n kpi, o ti moligi ba, ka ba wusira o yela, a niŋi siriya ba tumina u, halli a ti kpi. 12A zu, ya seesi n ba Alizaana, ya puusi a peligi, ama ya seesi n ba durinye puwa ni nye nam, a kpali bo, Sitaana sigi n ta ya saani, a ni suuri ga, a kpali bo, o baŋiya maa, o saŋa ki yuu. 13Nyeutintaa maa n ti baŋŋi maa, ba naag u lobi durinye puu la, o wa ti kpabi pogso n dogi daba la, 14ka poga maa nye bibiri kpuŋkpama, a yigi n gaari dalimpii puwa, ka che u, ka ti ba niŋi yuma ata ni binchee, a dira. 15Ka nyeutintaa maa ti koom yiira o noori, a maa mogiri, a ti naa poga maa gaari, 16ama tiŋŋa moligi poga maa, a naa mogiri maa ŋu. 17Niŋi n na, nyeutintaa maa je suuri niŋi poga maa, ka wa ti zabi o biseesi n che la toowa. Barima n niŋi seesi n paara Naawun zaaligusi zu, ka wusira Yeesu yela. Ka nyeutintaa maa wa ti za teeku noori.

will be added

X\