Soosa zu yela 11

1Niŋi n na, ba ti ma daa, m bugsi, ka yeli ma, nyisigi n bugsi Naawun dii, a ni seela ba n ku buŋkobiri tira Naawunni, ka kaali seesi n kpeesira Naawunni nisaaniŋi, 2ama da pa ti bugsi Naawun dii maa laanta, a kpali bo, o ni loobi baligusi toori, ka ba saami tiŋŋa maa zaa ŋmerisi pisinaasi ni ayi, 3ka m ni ti m dansiyasi bayi daama, ba daba tusiri ni kobsiyi ni pisiyoobu ba pili Naawun chaamesi wajaasi, a wusira Naawun yela. 4Dansiyasi bayi maa niŋi tiisi ayi ba n boona Olivi la, a ni katula zaabu ziisi ayi n za durinye duuma yii la. 5Ama ka niso zaa n ya n niŋi ba daaŋu, bugum ni yi ba noya di u, o kpi, ka lala n daga. 6Jemanseesi ba n wusira Naawun yela la, ba ni mari daama katira saa, ka ti koom loobira zeem, ka ti toorasi gbaagira durinye dima, seema ba n kpabira. 7Dansiyasi bayi maa wusi ba yela maa baasi, buŋkoowa ni yi bogso limsim n ka baasigu la puwa, ka zabi ba toowa, a nyaŋŋi ba, ka ku ba, 8ka che ba kpiinsi maa digili tiŋtintaa maa seela ba n daa n kpa ba duuma tabi daa, o kpi la soori. Tiŋŋa maa puwa, ba niŋina yabeeri ga, a maa seema niriba n daa n niŋina, a yi Sodom tiŋŋa, koo Yijipi paaligu puu la. 9A niŋi daba ata, a ni binchee, kpiinsi maa na ba n do, baligusi zaa nivudamta ba ti nyaasi a, ka ki sagi ba naag a pi. 10Ka durinye dima puusi a peligi, ka piira taaba piini, a kpali bo, dansiyasi bayi maa n daa n namsira ba la kpiya. 11Daba ata ni binchee maa n ti baasi, Naawunni ti nyevuri kpe kpiinsi maa niŋi, ba nyisigi n za, ka so zaa n nye ba, dabeem gbaa ba ga, 12ka ba wumi gokarigu, a yi saazu, a yeli, Ya du n ta kpe. Niŋi n na, ba dindima nufu niŋi, ba du n gaa saazu, a yi sagbana puwa. 13A jemani maa tiŋŋa maa yigsi ga, o diseesi fa n li, niriba tusa ayapoin kpi, ka seesi n che maa dabeem gbaa ba ga, ba kpeesira Naawunni, so n ba Alizaana puu la. 14A jemani maa nam buyidaana maa baasi, ka nam butadaana la ya n ta yoom. 15Niŋi n na, malakisi bayapoindaana maa pemsi o kabilli, ka gokara yi saazu yetira, Durinye naalim loobini ti duuma ni Kristu naalim, ba nyaasira u, a wara saŋa ni saŋa zaa. 16Ka kpemba pisiyi ni banaasi seesi n zi kogusi niŋi, a yi Naawun yii la li tiŋŋa kpeesira Naawuni, 17a yetira, Ti duuma Naawunni kpeeŋudaana, so kusu zaa n daa n ba niŋi, ka na ba niŋi, ti kpeesira i ni, a kpali bo, e dini e naalim, a ni daama zaa. 18Pimpariŋa baligusi zaa je suuri, a kpali bo, jemani paaya, e ti di seesi n kpi la zaa seriya, seesi n daa n tumina i, halli e chaamesi, koo e nivusuma, koo seesi n tira i jilima, halli nivukara, koo nivubilisi, e ni ti ba zaa ba laada. Ama seesi n daa n saamina durinye, e ni saami ba gba. 19A jemani maa, ba yoo Naawun dii, a yi Alizaana puwa, ka o puu niŋi ba nye dakaso kusu zaa ba n daa n naa Naawun zaaligusi niŋi o niŋi la. Niŋi n na, saa nyagsira, ka tasira, ka vu duura, ka tiŋŋa maa yigsira, ka sakuga liira ga.

will be added

X\