Filipai 4

1M taaba, m kpabira ya, ka mi kpabira m nye ya. Ya niŋini m tono, ka ti m puu peligi, ya da zagsi ti duuma, ka tumina u nene. 2Yuwoodiya, a ni Suntuke, m yetira ya ni, a kpali ti duuma zu, ya moo nufu mari naŋgbanluŋko. 3M zo Suzuge, paasi ba ba niŋina n ŋa. M ni ba, a ni Kementi, a ni m taaba tumtuminiba seesi daa n tumina tumluŋko, a wusira Yeesu baarusuma, ka ba yuya sebi n digili, a yi seesi n ya n nye nyevuri la puwa. 4Ya yi ti ya puusi a peligi, a kpali ti duuma zu. M lee n yeli, ya puusi a peligi, 5so zaa ba baŋŋi ya kenyiti. Ti duuma taabu leelini. 6Ya da ti yaso zaa tiri ya, ama ya togsira Naawun saani, a kpeesira u, ka suusira u, 7ka niŋgbirimaasim so Naawunni n tira, ka o gaari yam zaa la ni ti ya sufusi za ziluŋko, a kpali Yeesu Kristu zu. 8M taaba, a baasigu, yaso zaa n mari yamonsi, koo jilima, koo yasuma, koo veelim, koo bunye, koo kpeesigu, ya feera a feri, 9ka yaseesi ti n daa n wusi ya, ya deeg a la, a ni yaseesi ya n daa n nye ni niŋina la, ya niŋina lala, ka Naawunni so n tira niŋgbirimaasim la ni ba ya saani. 10Ti duuma ti m puu peligi ga, a kpali ya bagsi n lee n ba m niŋi. Ya bagsi yi bani m niŋi, ama ya daa n bi nyaara daama. 11Pa m nandaalim zu ma yetira n ŋa, a kpali bo, m pa baŋiya, ni bunso zaa ni mari sagsi ma ni. 12Ya nyaasi, m baŋŋi nandaalim seema o n be, a ni bindaalim. A zu, yaso zaa n niŋi ma, halli pirim, koo kom, koo bindaalim, koo nandaalim, a zaa sagsi ma, 13ka a kpali so n ti ma kpeeŋu la, m ni tee n niŋi bunso zaa. 14Halli yela ŋa zaa, ya nye niŋi, a maa seema ya n paasi ma, a yi m nam niŋi. 15Ka ya mi baŋŋi maa, jemanso ni daa n yi Masidoona paaligu chaŋŋi n wusira Yeesu baarusuma la, ya Filipai chaachi dima ko n daa n paasi n tira ma ligiri. 16Halli ni daa n ba Tesalonika, ka nyaara nam la, ya daa n tumi n ti ma buyi. 17Pa bini maa zu ma kpabira ya naa n tira ma, ama m kpabira ya nye tonoso tiibu maa n tira. 18Apafirodita mi ti ma binseesi ya n daa n tumi u, o naa n ti ti ma la, a zu, m dini meesim ni tono ga. Ya tiibu maa mari bunye, ka petira Naawunni. 19M ba Naawunni ni ti Yeesu Kristu ti ya bunso zaa n tiri la ga, a yi o bindaalim niŋi. 20Ti ba Naawunni yuuri o du, a wara saŋa ni saŋa zaa. 21Ya puusi Yeesu Kristu nyaaŋpaariba la zaa. M taaba seesi n ba m saani puusira ya, 22ka Naawun nivusumseesi n tumina Aroom naaba yiri, a ni nivusuma maa zaa puusira ya. 23Ti duuma Yeesu Kristu ti ya barika.

will be added

X\