Filipai 1

1Yeesu Kristu yasuma dima zaa n ba Filipai tiŋŋa puwa, a ni ya kpemba, a ni ya suŋiniba, mani Pool ni Timoti n niŋi Yeesu Kristu tumtuminiba, ti puusira ya ni. 2Ti ba Naawunni ni ti duuma Yeesu Kristu ti ya barika, a ni niŋgbirimaasim. 3M si teesi ya yela, ka suusi m ba Naawunni ti ya, m yi kpeesira u ni tira ya, a ni pupeelim. 5A kpali bo, dindaso ya n daa n wumi Yeesu baarusuma la, a ti yini zinni, ya paasira m niŋi, a wusira Yeesu baarusuma maa. 6Ka m mari tama maa, Naawunni so n daa n ti ya loobira nivusuma la ni niŋi lala baasi, a yi jemanso Yeesu Kristu di n lee n ta durinye puu la. 7O veela m feera ya zaa yela n ŋa, a kpali bo, m bagsi ba ya niŋi. Halli ka ba yo ma dii, ka dira m seriya, Naawunni ti ya ni barika ya paasi ma wusira baarusuma maa. 8Ka wune Naawunni niŋi m dansiya, a baŋŋi seema ni kpabira ya zaa ga, a maa Yeesu Kristu gba n kpabira ya la. 9Ka m suusi Naawunni tira ya, ya kpabira taaba ga, a ni yam ni baŋinisim zaa, 10ya ti baŋŋi yaso n veela, ba baŋŋi maa, ya niŋini nivusuma, a yi jemanso Kristu di n lee n ta durinye ŋa puwa. 11Lala n na ya ni mari yasuma ga, seema Yeesu Kristu ko n tira, Naawunni o ti nye kpeesigu, o yuuri o du. 12M taaba, m kpabira ya baŋŋi maa, halli ka ba yo ma dii, n ŋa taasi niriba wumina Yeesu baarusuma maa. 13Nayiri soojisi zaa, a ni nivudamta pa baŋŋi maa, ba yo ma ni dii, a kpali Kristu zu. 14Ka m dii yoobu maa mi ti ti duuma nyaaŋpaariba nivudamta nye zuuri duusigu, a naa dabilimtiri wusira Naawun yela. 15Ya nyaasi, niseesi wusira Kristu yela a kpali ba n mari pubeerim, ka kpabira ba yuya a du n gaari ba taaba. Ama seesi wusira a, a kpali yasuma, 16a ni ba taaba kpabirisim zu, ka ba baŋiya maa, m bani kpe, Yeesu baarusuma a du. 17Ama seesi n kpabira ba yuya a du la, ba wusira baarusuma maa pa a kpali yasuma zu, ka kpabira ba namsi ma, a yi m dii yoobu maa niŋi. 18Ya nyaasi, seema zaa ba n wusira Kristu yela, halli yasuma zu, koo pa yasuma zu, m puu peligiya. 19Ka m puu ni peligi n paasira, a kpali bo, m baŋiya maa, ya Naawun suusigu, a ni Yeesu Kristu sii zu, ba ni nyisi ma, 20ka m kpabira, ka mari tama maa, vi ki di ma, ama seema ni daa n yi mari dabilim, lala n na ma ni lee n mari dabilim pimpariŋa. Halli ka m mari nyevuri, koo, ka ba ku ma, Kristu yuuri ni du, a kpali m niŋa zu. 21A kpali bo, ka m na mari nyevuri, m ni tumi Kristu, a nye m tuma tono, a yi durinye puwa. Ama ka m kpiya, m ni nye tono ga. M bi baŋŋi ŋama ŋa so n so, 23a kpali bo, m sufu kpabira a zaa. M kpabira m barigi durinye gaari Kristu saani, lala mari tono ga. 24Ama a mi daga m ba durinye puwa, a moligira ya. 25N ŋa zu m baŋiya m ni ya zaa ni ba durinye puwa, m ti moligira ya, ya niŋina Yeesu Kristu yeride ga, ka mari pupeelim, 26m ti Yeesu Kristu yuuri o du ga ya saani, a kpali m ba ya puwa. 27M taaba, ya moo nufu niŋina nene, seema n daga Yeesu Kristu baarusuma. A zu, ka m taya, m ti puusi ya, koo, ka m bi ta, m ni wumi maa, ya zani ziluŋko nene, a ni sufuluŋko, ka paasi taaba niŋina Yeesu baarusuma la yeride, 28ka bi zora ya dindima dabeem. Lala n na Naawunni ni ti ba baŋŋi maa, ba ni nye saaminisim, ka ya nye moligirisim. 29Ya nyaasi, Naawunni ti ya ni ya niŋina Yeesu Kristu yeride, ka nyaara nam, a kpali wune Yeesu zu, 30a maa ya moorini ya tumi tumseesi ya n daa n nye ni tumina, ka na wumi ni tumina la.

will be added

X\