Matiyu 9

1Niŋi n na, Yeesu daa n lee n wa ti kpe ŋariŋu maa, a du beeŋkarigu maa duuri, a gaari o gbagba tiŋŋa. 2O n paa nisaaniŋi, ba mari boobi n do o bundoori niŋi, a ta o saani. Yeesu n nye seema ba n niŋi u yeride la, o yeli boobi maa, M biya, ti e puu peligi, e yabeeri che n paŋŋi i. 3Ka zaaliguwusiriba yeli ba taaba, Nyaasi dabaa, o niŋina yabeeri, a togsi n ŋmeŋsira Naawunni. 4Yeesu baŋŋi ba feri maa, ka yeli ba, Ya da feera yabeeri ŋa ya sufusi niŋi. 5Wumbo n ba toom, m yeli o yabeeri che n paŋŋi u, a ni m ni ti o nyisigi n chaŋŋi? 6Ya nye, m ni wusi ya maa, mani Naawun Nisaala mari daama m che yabeeri paŋŋi, a yi durinye ŋa puwa. Ka yeli boobi maa, Nyisigi n naag e bundoori kunna. 7Boobi maa nyisigi n kuli. 8Zamusi maa n nye n ŋa, dabeem gbaa ba, ka ba mi kpeesi Naawunni, ni o tini nisaala daama ŋa. 9Niŋi n na, Yeesu daa n we yiya, ka nye lampoo deegira n zi seela ba n deegira ligiri maa, ba boona u Matiyu. Ka Yeesu yeli u, Pa m zu. O nyisigi n pa o zu. 10Niŋi n na, Yeesu ni o nyaaŋpaariba we daba maa yiri wa ti di, ka lampoo deegiriba ni yabeniŋiniba nivudamta paasi ba niŋi di. 11Farisii dabsi n ti nye n ŋa, ba boosi Yeesu nyaaŋpaariba, Wula n na ya karichi sagi n dira lampoo deegiriba ni yabeniŋiniba saani? 12Yeesu n ti wumi n ŋa, o yeli, Alaanfiya dima bi wara dokita saani, ka pa niseesi n beera. 13Naawunni kpabira niriba ba zora taaba nimbaa, a gaari ba n ku buŋkobiri tira u, ya wa ti niŋina n ŋa. Ma wune bi tani m ti booli nivusuma, ama yabeniŋiniba. 14A jemani maa Jon Baatisi nyaaŋpaariba daa n ta Yeesu saani, a ti boosi, Wula n na ti ni Farisii dima yi leera noori, ka nyi wune nyaaŋpaariba bi leera? 15Yeesu bo kiŋaasa yeli ba, Ya nyaasi, ka dabso naa pogipaali, o zodima ki le noori. Ama dindaso ba ni naa daba maa yi o zodima maa saani. A jemani n na ba n pa n le noori. 16Yeesu lee n bo kiŋaasasi yeli ba, Ya nyaasi, nivu zaa ki sagi n naa kparichepaali ligi o tagitekurigu. Ka o niŋi lala, kparichepaali maa ni chee tagitekurigu maa, a taasi vokarigu gaari so n piili n ba niŋi la. 17Ya lee n nyaasi, ti kaari n na, ti ŋoo dapaala niŋi kolipaala niŋi. So zaa ki ŋoo dapaala niŋi kolikura niŋi. Ka o niŋi lala, dapaala maa ni chee kolikura maa, ka daam maa zaa, a kpaa n basi, ka kolisi maa saami. A zu, ba ŋoo dapaala niŋi kolipaala niŋi, ka daam ni kolisi maa zaa ki saami. 18Yeesu n daa na togsira ba saani, kpeema yindaana ti gba o yiya, a yeli, M bipuŋŋu kpiya, ti naag e nuu pa o niŋi, o lee n nye nyevuri. 19Niŋi n na, Yeesu nyisigi, o ni o nyaaŋpaariba pa daba maa zu wara. 20Ba n wara maa, pogso ba niŋi, a niŋi dagiri yuma pii ni ayi, ka fe maa, o di siisi Yeesu kpariga, o ni lee n nye alaanfiya. A zu, o wa ti pa Yeesu nyaaŋa, ka siisi o kpariga. 22Yeesu loobi n nyaasi u, ka yeli u, M biya, e yeride niŋinisim zu, e nye kpeeŋu. A puli maa niŋi o nye kpeeŋu. 23Ba n ti paa kpeema maa yiri, ka ba pemsira kabila, ka kumina ga, 24Yeesu yeli, Ya wara, bii maa bi kpi, ama o gbisirini. Ba la u. 25O ti ba kari zamu maa yi yaŋŋa, ka kpe, a wa ti naa bii maa nuwa, o nyisigi. 26Yela maa yaari paaligu maa tiŋsi zaa. 27Niŋi n na, Yeesu daa n yi nisaaniŋi wara, ka zoomisi bayi pa o zu, a tasi n yetira, Naaba Dawuda yaŋŋu, zo ti nimbaa. 28Yeesu kpe dii, ka zoomisi maa ta o saani, o boosi ba, Ya niŋi ma yeride m di n tee n tibi ya? Ba yeli u, Ti duuma, mm. 29O siisi ba nufusi, ka yeli, Ya yeride niŋinisim zu, ya nyaara. 30Ba nufu yoo, ba nyaara. Yeesu yeli ba, Ya da yeli niriba n ŋa. 31A ni naa zaa ba wa ti yeli, o yuuri du, a yi paaligu maa zaa. 32Dabsi bayi maa n daa n yi n wara, ba mari dabso kikpaarigu n ti o niŋi namu ta Yeesu saani. 33Yeesu kari kikpaarigu maa, daba maa togsi, a ku zamu maa noya, ba yeli, Ti Juusi dima paaligu so zaa na bi nye n ŋa zaa. 34Ka Farisii dima yetira, Kikpaarigusi zudaana daama n na o naa n katira kikpaarigusi la. 35Niŋi n na, Yeesu daa n gaa n chaŋina ba tiŋsi zaa, ka wusira ba, a yi ba laŋsigu diisi, ka moona Naawun naalim baarusuma, ka tibira ba toorasi zaa. 36O cheni maa niŋi, o nye zamusi, ba yela gbaag u nimbaa, a kpali ba n nyaara nam, ka bi mari niso n di n moligi ba la zu, a maa peeri n ka kpagira, 37o yeli o nyaaŋpaariba, Bindira niŋiya ga, ka tumtuminiba mi bi zoo, 38ya suusi bindira maa zudaana o tumi tumtuminiba, ba ti che a.

will be added

X\