Matiyu 22

1Yeesu daa n lee n bo kiŋaasasi tira niriba, a yeli, 2Naawun naalim niŋini maa nabiso n naa pogipaali, naaba maa ti ba dugi bindira zoo, 3ka tumi o tumtuminiba ba wa ti booli seesi o n yeli la, ba zagsi. 4O lee n tumi o tumtuminiba seesi, ni ba wa ti yeli ba, ni o kuni nagidaasi ni nagibilikara, ka yela zaa maaliya, ba chena, a ti di. 5Ba lee n zagsi, yinni we o pu, yinni wa ti tumi o tuma, 6ka seesi n che la mi gbaa tumtuminiba maa, a namsi ba, ka ku ba. 7A zu, naaba maa je suuri tumi o toozabiriba ba wa ti ku kuuriba maa, ka kusi ba tiŋŋa. 8Niŋi n na, o yeli o tumtuminiba, Ti niŋini siriya, ama seesi ni booli maa bi daga ba n ta, 9a zu, ya we soya puusi, a wa ti booli so zaa ba ti di. 10Ba we, a wa ti laŋsi so zaa ba n nye, nivusuma ni nivubeeri, diibu dii maa zaa paali. 11Naaba maa n ti kpe, o nyaasi niriba maa, ka nye dabso n bi pili bunsuma. 12O yeli u, Kuti, e kpeya, ka bi pili bunsuma, wula? Daba maa za surim. 13Naaba maa yeli o tumtuminiba, ni ba le o nuusi ni noba, ka naag u basi ligu niŋi, seela beerim n ti niriba kumina. 14O gbinni niŋi maa, ba booli nivudamta, ka nyisi ba beela ko. 15A jemani maa Farisii dima daa n yi n wa ti to jina, seema ba n di n niŋi n gbaa Yeesu, a yi o yatoga puwa, 16ka tumi ba nyaaŋpaariba ni Herodi dima ba wa ti boosi Yeesu, Karichi, ti baŋŋi e n mari yamonsi, ka wusira Naawun yela nene, ka bi paara nisaaldima zu, ka bi gamsira. 17A zu, yeli ti, o veela ti n yo lampoo tira Aroom naaba, bee? 18Yeesu baŋŋi ba feribeeri, ka yeli ba, Yomsiriba, ya niŋi ma nyaasira n ŋa, o veela? 19Naa lagfuso ba n naa n yoora lampoo maa ti ma. Ba naa n ti u. 20Yeesu boosi ba, ?ani nufusee ni yuuri n do n ŋa? 21Ba yeli, ni Aroom naaba. Yeesu yeli ba, Ya naa Aroom naaba toori ti Aroom naaba, ka naa Naawun toori ti Naawunni. 22O n yeli lala maa, a ku ba noya, ba yi n gaari. 23A dindaari maa Sajusii dima daa n ta Yeesu saani. Sajusii dima zaa yi yeli, ni nira kpiya, o ki lee n nyisigi. A zu, ba yeli Yeesu, 24Karichi, kusu zaa Musa n daa n yeli, ni ka dabso beeri kpiya, ka che o poga, ka ka biya, o sunzo maa, o naa poga maa dogi biisi ti o beeri, so n kpi la. 25Ti buŋ n ŋa. Dabso nyisigi, ka mari sunzoba bayoobu. Dindaso daba maa naa poga, ka kpi, ka bi nye biya. A zu, niso n pa o zu mi naag u, 26o gbagba kpi, ka bi nye biya. O mi sunzo mi naag u, ka kpi, ka bi nye biya. Lala ba bayapoin maa zaa niŋi, ka bi nye bii zaa. 27A ni a baasigu zaa poga maa gba kpi. 28Nyaasi, ba bayapoin maa zaa naag u ka kpi. Ka ba pa ti nyisigi kum puwa, wumbo daana n su poga maa? 29Yeesu yeli ba, Ya bi fe nene, a kpali bo, ya bi baŋŋi Naawun buku nene, ka mi bi baŋŋi seema Naawun daama n be. 30Niriba ti nyisigi kum puwa, ba ki naagira pogiba, koo a kulisira dabsi, ama ba ni ŋmaani malakisi n ba Alizaana puwa. 31Ya lee n nyaasi kum nyisigirisim yela, kusu zaa Naawunni daa n yeli, 32ni o niŋini Naawunni, so Ibrahim, a ni Isaaka, a ni Yakubu n tumina. Seesi n bi mari nyevuri bi tumina Naawunni, ama seesi n mari. 33Zamu maa n ti wumi wusigu ŋa, a ku ba noya. 34Farisii dima n daa n ti wumi, ni Yeesu togsi n lobi Sajusii dima n ŋa, ba laŋsi Yeesu saani, 35ka ba yindaana n niŋi zaaliguwusira boosi Yeesu, o niŋi u nyaasi, a yeli, 36Karichi, Naawun zaaligusi puwa, wumbo n daga ga? 37Yeesu yeli u, So zaa o naag o sufu zaa, a ni o sii zaa, a ni o kpeeŋu zaa, a kpabira o duuma Naawunni. 38Naawun zaaligusi puwa, ŋa la n daga. 39Ka zaaliguso mi lee n ŋmaani u, ni so zaa o kpabira o taaba seema o n kpabira o gbagba la. 40Naawun zaaligusi zaa, a ni yaseesi zaa Naawun chaamesi n daa n yeli la, a zaa gbina niŋini maa zaaligusi ayi ŋa. 41Farisii dima maa n daa na ba niŋi, Yeesu boosi ba, 42Ya nyaasi Kristu, bo n niŋi u? Ba yeli u, ni naaba Dawuda yaŋŋu n na. 43Yeesu yeli ba, Ya nyaasi, kusu zaa Naawun sii daa n ti naaba Dawuda booli Kristu o duuma, a yeli, 44Ti duuma yeli m duuma, Zi m nudiya, m ti nyaŋŋi e dindima zaa ti i. 45Lala n na, naaba Dawuda booli u o duuma, ka wula n na ya yetira, ni o niŋini o yaŋŋu? 46Ba zaa muuri. A yi dindaari maa, nira zaa daa n zora dabeem, o boosi u yela.

will be added

X\