Matiyu 2

1Lala n na, ba daa n dogi Yeesu, a yi Betiliham tiŋŋa n ba Judiya paaligu puwa, ka paaligu maa naaba mi ba Jiruusilim tiŋŋa puwa, ba boona u Herodi. A jemani maa yambaŋiniba yi wuluŋpusigu ta Jiruusilim tiŋŋa ti boosira 2seela ba n dogi so n ya n niŋi Juusi dima naaba la, a kpali bo, ba nyeni o ŋmeribiya, a yi wuluŋpusigu, ka ta ba ti puusi u. 3Naaba maa n wumi n ŋa, o sufu dammi u, a ni tiŋŋa maa dima zaa, 4o laŋsi buŋkobkuuriba kpemba ni zaaliguwusiriba zaa, ka boosi ba seela ba n ya n dogi Kristu so yela Naawunni n daa n yeli kusu zaa la. 5Ba yeli, ni a yi Betiliham tiŋŋa n ba Judiya paaligu puwa, a maa seema Naawun chaame n daa n sebi n digili, 6ni Betiliham tiŋŋa n ba Judiya paaligu puwa, o yuuri ni du n gaari paaligu maa tiŋsi zaa, a kpali bo, nisaaniŋi ba ya n dogi naaba, o ti nyaasira m niriba Juusi dima. 7Niŋi n na, naaba Herodi sogi n booli yambaŋiniba maa, ka boosi ba jemanso ŋmeribii maa n ta. Ba yeli u. Wise mencaYambaŋiniba daa n pi Yeesu piini 8O yeli ba, ba gaa Betiliham tiŋŋa, a wa ti kpabi bii maa nene, ka ba pa ti nye u, ba ti yeli o gba, o wa ti puusi u. 9Niŋi n na, ba wara, ka ŋmeribiso ba n daa n nye, a yi wuluŋpusigu la pa ba yii wa ti za seela bii maa n do la. 10Ba n nye ŋmeribii maa n za la ba puusi peligi ga, 11ba kpe dii maa puwa, a wa ti nye bii maa ni o ma Mariama, ka li tiŋŋa puusi ba, ka yoo ba dakasi nyisi sugasi ni kpaŋusa ni tulale, a pi bii maa piini. 12Niŋi n na, yambaŋiniba maa zaasi zaasim, ni ba da lee n we naaba maa saani. A zu, ba dee soyindaana, a pori n gaari ba paaligu. 13Yambaŋiniba maa n daa n kuli maa, Joosefi daa n zaasi zaasim, Naawun malaki n yeli u, ni o mari bii maa ni o ma zo n gaari Yijipi paaligu, a wa ti ba niŋi, ama malaki maa lee n yeli u ni, o pori n ta, a kpali bo, naaba Herodi ya n kpabini bii maa, a ku. 14Niŋi n na, yiiŋu, o nyisigi n mari bii maa ni o ma, a zo n gaari Yijipi paaligu, 15a wa ti ba niŋi, halli naaba maa ti kpi. Lala niŋini maa seema Naawunni n daa n ti o chaame yeli, ni a yi Yijipi paaligu wune Naawunni booli o biya. 16Naaba maa n daa n ti baŋŋi maa yambaŋiniba maa yomsi u ni, o suuri nyisigi ga, o tumi, ba we Betiliham tiŋŋa maa paaligu zaa, a wa ti ku biduusi zaa na n bi paa yuma ayi, a kpali jemanso yambaŋiniba la n daa n yeli u la. 17N ŋa ti seema Naawun chaame Jerimaya n daa n yeli la niŋi yamonsi, ni 18a yi Arama paaligu, ba wumi goo n kumina, ka chaatira. O niŋini pogso ba n boona Areeha la, ka o kumi n tira o yaŋsi, a kpali ba kpiya, ba gbaag u je. 19Naaba maa n daa n ti kpi, bii maa ni o ma ni o ba Joosefi na ba Yijipi paaligu, ka o ba maa zaasi zaasim, Naawun malaki n yeli u, 20ni o nyisigi n mari bii maa ni o ma, a pori n gaa Juusi dima paaligu, a kpali seesi n daa n ya n ku bii maa kpiya. 21Niŋi n na, o nyisigi n mari bii maa ni o ma, a pori n gaari Juusi dima paaligu. 22O n wara, ka wumi, ni Akeleya di naam, a yi Judiya paaligu, a yi o ba Herodi ziya, dabeem gbaag u nisaaniŋi weebu. Ba kpaasi o tubiri, a yi zaasim niŋi, ka o gaari Galili paaligu, 23a wa ti zi tiŋso ba n boona Nazire. Lala n na, yaseesi Naawun chaamesi n daa n yeli kusu zaa la loobi yamonsi, ni ba ni booli u Nazire daba.

will be added

X\