Matiyu 14

1A jemani maa Galili paaligu naaba ba n boona Herodi la daa n wumi Yeesu yela, 2ka yeli o tumtuminiba, ni Yeesu n niŋi Jon Baatisi, so o n daa n ku la, ka o lee n nyisigi n nye daama niŋina mamaachi yela ŋa. 3Seema naaba maa n daa n ku Jon Baatisi la n ŋa. O piiligu naaba maa daa n fani o sunzo ba n boona Filipi la poga Heroodiya, daba maa ba n boona Jon Baatisi la yeli u, ni o bi veela o n fa o sunzo maa poga. A zu, poga maa ti ba gbaa daba maa le, a wa ti yo dii, 5ka naaba maa kpabira o ku u, ama o zora niriba dabeem, a kpali bo, ba yetira, ni o niŋini Naawun chaame. 6Naaba maa yuma daborigu n daa n ti paa, poga maa bipuŋŋu kpe, a wa ti wa waa naaba maa ni o taaba nufu niŋi, o waa maa peri naaba maa ga, 7o ti u noori, ka pe, ni o n di n ti u bunso zaa o n kpabira. 8O ma ti o yeli, ni o ti u daba maa zu, a yi pireete puwa. 9O n yeli lala, o saami naaba maa sufu, ama a kpali seema o n yeli la, a ni o taaba la zu, o ki tee n zagsi, ka tumi, 10ba wa ti ŋma daba maa zu, 11ka naa n niŋi pireete niŋi, a ti bii maa, o mi naa n ti o ma. 12Niŋi n na, daba maa nyaaŋpaariba ti naag o kpiiŋu maa wa ti pi, ka wa ti yeli Yeesu. N ŋa n na naaba Herodi niŋi n ku Jon Baatisi. 13Yeesu n daa n ti wumi n ŋa, o kpe ŋariŋu gaari seela niriba n ka niŋi. Ka niriba wumi o n wara maa, ba yi tiŋsi chaŋŋi n pa o zu. 14A zu, Yeesu n ti yi ŋariŋu maa puwa, zamutintaa ba niŋi, o zo ba nimbaa, a tibi ba baaradima. 15Zaanoori n ti paa, o nyaaŋpaariba ti yeli u, Kpe ka bindira, ka wuluŋu liira, a zu, cheli ba pisimi n gaari tiŋsi, a wa ti da bindira di. 16Yeesu yeli ba, Ya da ti ba gaari, ka ti ba bunso ba di. 17Ba yeli u, Paanusi anu ni korotosi ayi ko n ba kpe. 18Yeesu yeli ba, ni ba naa n ta, 19ka o ti zamusi maa zi moori niŋi, ka o naa paanusi anu ni korotosi ayi maa nyaasi saazu, a suusi Naawunni, ka ŋmaasi paanusi maa ti o nyaaŋpaariba, ba tori n ti zamusi maa, 20ba zaa di n piri. Niŋi n na, ba piisi bincheesi maa, a paali peeri pii ni ayi. 21Nivuseesi n ŋobi a maa paa dabsi tusa anu, a ni pogiba ni biisi. 22Niŋi n na, Yeesu daa n ti o nyaaŋpaariba naa ŋariŋu maa pa yii wara beeŋkarigu maa duuri yindaana, ka o pisimi zamusi maa, 23ka du n gaa zoo zu, a wa ti togsi Naawun saani. Yiiŋu ti vibira, o ko n ba nisaaniŋi, 24ka o nyaaŋpaariba maa ba kosunsuwa, ka sauwa vaara ga, koom damtira, ŋariŋu maa chaŋŋi n jeera. 25Nodakpaŋŋu n ti paa, Yeesu chaŋŋi koom zu, a chena ba saani, 26o nyaaŋpaariba nye u, dabeem gbaa ba, ba yeli, ni kogibee n na. 27Yeesu yeli ba, ni wune n na, ba da zora dabeem. 28Piita yeli Yeesu, M duuma, ka nyini n na, e yeli ma, m chaŋŋi koom maa niŋi, a ta e saani. 29Yeesu yeli u, ni o ta. Niŋi n na, Piita yi ŋariŋu maa puwa, a chaŋŋi koom zu wara Yeesu saani, 30ka sauwa maa zu o zora dabeem, ka muntira, o tasi n yeli, M duuma, moligi ma. 31Yeesu teeg o nuu gbaag u, ka yeli u, E bi niŋi ma yeride nene, wula? 32Niŋi n na, ba kpe ŋariŋu maa puwa, ka sauwa maa ŋma, 33ba kpeesi Yeesu, a yeli, Yamonsi n na, Naawun bii niŋi i. 34Ba n daa n ti paa duuri maa, Genesare paaligu n na, 35paaligu maa dima baŋŋi u, ka tumi paaligu maa dima zaa, ba mari baaradima zaa ta, 36a ti suusi u, ni o ti ba siisi o kpariga noori ko, ka seesi zaa n siisi u maa nye alaanfiya.

will be added

X\