Maaki 9

1Ka Yeesu lee n yeli ba, Yamonsi ma yeli ya, niseesi n za kpe ŋa seesi ki kpi, halli ka ti nye Naawun naalim kpeeŋu poin. 2A n daa n ti niŋi daba ayoobu, Yeesu daa n mari o nyaaŋpaariba bata, Piita ni Jeemsi ni Jon ko, a wa ti du zotintaa. Niŋi n na, o niŋa zaa cherigi, 3ka o bimpinna mi loobi n peligi n nyagsira, a gaari seema durinye puu funfanso zaa n peligira. 4Ka dabsi bayi paasi Yeesu niŋi, barima n niŋi Naawun chaamesi Alayija ni Musa, ka ba togsira Yeesu saani. 5Niŋi n na, Piita yeli Yeesu, M duuma, yasuŋŋu n na ti ba kpe, cheli ti ti suga ata, nyini n su yindaana, Musa n su yindaana, Alayija n su yindaana. 6O yeli n ŋa, a kpali dabeem n gbaa ba, ka o bi baŋŋi seema o n di n yeli. 7Niŋi n na, sagbaŋŋu pili ba, ka goo yi sagbaŋŋu maa niŋi, a yeli, M bikpabirigu n na la, ya wumi n ti u. 8A jemani maa ba nyaasi, ba bi lee n nye dabsi bayi la, ama Yeesu ko n che. 9Ba n sigira zotintaa maa, Yeesu kpaasi ba tuba, a yeli, Ya da pa ti yeli nivu zaa bunso ya n nye la, ka pa mani Naawun Nisaala nyisigi kum puwa. 10A zu, ba muuri, ka bi yeli nira zaa, ama ka togsira kum nyisigirisim maa gbinni taaba saani, 11ka ba boosi Yeesu, Wula n na zaaliguwusiriba yi yeli, ni Alayija ni ta poin? 12Ka Yeesu yeli ba, Yamonsi n na ba yetira. Ama seema Naawun buku n daa n yeli, ni Alayija ni ta poin, a ti maali zii la, m yeli ya ni, o tee n ta, ka ba daa n niŋi u seema ba n kpabira. Ka Naawun buku gba mi daa n lee n yeli, ni mani Naawun Nisaala ni nye nam ga, ka niriba ba nyaasi ma jaga. 14Ba n daa n ti sigi n baasi, ba paa ba taaba nyaaŋpaariba, ka ba ba zamutintaa sunsuu niŋi, ka zaaliguwusiriba zabira ba. 15Zamu maa n ti nye Yeesu, a ku ba noya, ba chee n ti puusi u, 16ka Yeesu boosi o nyaaŋpaariba maa, Wula n na ya ni niribaa dira amore. 17Zamu maa yindaana yeli u, Karichi, m bii yela n na, o mari kikpaarigusi, ka bi tee n togsira. Kikpaarigusi maa yi ti nyisigi o niŋi, o yi fani li, ka nuntoori funfugsi yi ba o noori, ka o yi ŋobira o nyina, ka o yi kuu. A zu, ma mari u ta e saani, ka suusi e nyaaŋpaariba ba kari a, ba kari a je. 19Yeesu yeli ba, Ya pimpariŋa dima ka yeride. M tee n yuu ya saani, a ni kenyiti, ka ya na bi niŋi ma yeride nene. Lala veela? Ya mari bii maa ta. 20Ba mari u gaa Yeesu saani. Kikpaarigusi maa n si n nye Yeesu, a damtira bii maa, o fa n li tiŋŋa, a bilimina, ka funfugsi ba o noori. 21Ka Yeesu boosi bii maa ba, Sambo n na toora maa gbaag u? Bii maa ba yeli, O n niŋi bibila zaa. 22Kikpaarigusi maa daa n yi tini o fa n li bugum niŋi, koo koom niŋi, a ya n ku u. A zu, ka e ni tee n tibi u, zo ti nimbaa, ka moligi ti. 23Yeesu yeli u, Da yetira lala, so zaa n niŋina Naawunni yeride ni tee n niŋi bunso zaa. 24Bii maa ba tasi n yeli, M niŋina u yeride, ama m yeride niŋinisim bi zoo. E paasi m niŋi. 25Niŋi n na, nivudamta chee n ti laŋsi. Yeesu n nye ba n laŋsira maa, o kari kikpaarigusi maa, a yeli, Ya kikpaarigusi n ti bii ŋa kpiri, m yeli ya, ya yi bii ŋa, ka da lee n ti kpe o niŋi. 26Niŋi n na, kikpaarigusi maa ti bii maa tasira, ka damtira u ga, ka yi, ka bii maa ŋmaani kpiiŋu, ba zaa yeli, o kpiya. 27Ka Yeesu gbaag o nuwa, a paasi o niŋi, o nyisigi saa. 28A n ti niŋi beela, Yeesu kpe dii, ka o nyaaŋpaariba ko wa ti boosi u, Wula n na ti bi tee n kari kikpaarigusi ŋa? 29Yeesu yeli ba, Naawun suusigu ko ni tee n kari kikpaarigusi ŋa basi. 30Niŋi n na, Yeesu daa n yi n chaŋina Galili paaligu, ka wusira o nyaaŋpaariba, ka bi kpabira niriba ba baŋŋi seela o n be. Ka o yeli o nyaaŋpaariba maa, Dindaso ba ni ti ba gbaa mani Naawun Nisaala, ka ku ma. M daba ata daari m ni nyisigi. 32Nyaaŋpaariba maa mi bi baŋŋi o gbinni, ka mi zora dabeem ba boosi Yeesu. 33Niŋi n na, ba daa n paa Kapaanim, ka kpe dii, ka Yeesu boosi o nyaaŋpaariba, Ti n chena maa, bo yela n na ya togsira la? 34Ba za surim, a kpali bo, ba n chena maa, ba dira amore, ba so n mari daama ga. 35Niŋi n na, Yeesu zi, ka booli o nyaaŋpaariba pii ni bayi maa, ka yeli ba, So n kpabira o niŋi yipaara, cheli o loobi nyaaŋpaara, ka tumina so zaa. 36Ka Yeesu naa bii zaali ba yiya, ka naag u pa o nuusi niŋi, ka yeli ba, 37So zaa n ti dee bii zaa, a kpali m yuuri zu, mani n na o dee. Ka so zaa n ti dee ma, pa m ko n na o dee, so n tumi ma la n na o dee. 38Niŋi n na, Jon daa n yeli Yeesu, Karichi, ti nyeni dabyindaana naag e yuuri katira kikpaarigusi, ka bi paara ti zu. A zu, ti kari u. 39Yeesu yeli, Ya da kari u, a kpali bo, ka so n naa m yuuri niŋi yatintaa, o ki tee n loobi yoom togsi yabee ŋmeŋsi ma. 40So n bi niŋi ti dimma, wune n niŋi ti summa. 41Yamonsi n na, ka so zaa n ti ya koom ya ŋu, a kpali ya n paara mani Kristu zu, o ni nye o laada. 42Yeesu daa n lee n yeli, Ka biso niŋina ma yeride, ka niso ti o niŋi yabee, a daana niŋi yabee ga. Ka ba naa kugtimsigu le o nuŋgori lobi n niŋi koom niŋi, o di, lala n so o n ba niŋi, a wusira bii maa yabeeri. 43Ya nyaasi, ka e nuu ti e niŋina yabeeri, ŋma u basi, a kpali bo, e n mari nuluŋko kpe nyevuriso n ka baasigu la ziya, wune n so e n mari nuusi ayi kpe bugum so n ka baasigu la ziya. 45Koo, ka e nobiri ti e niŋina yabeeri, ŋma u basi, a kpali bo, e n mari nobiluŋko kpe nyevuriso n ka baasigu la ziya, wune n so e n mari noba ayi kpe bugum ziya. 47Ya lee n nyaasi. Ka e nimbiri ti e niŋina yabeeri, nyisi u basi, a kpali bo, e n mari nimbiriluŋko kpe Naawun naalim, wune n so e n mari nimbiisi ayi kpe bugum ziya. 48Nisaaniŋi binseesi n taasira beerim ba niŋi saŋa ni saŋa zaa, ka bugum maa mi bi kpisira. 49Ka bugum ni niŋi niriba zaa nyaasi, a maa seema ba n naa yaarim niŋi bindira niŋi, ka tagsi n nyaasi. 50Yaarim veela, ama ka a mi ti borigi a meesim, a ki lee n tee n nye meesim maa. Ya ti yaarim ba ya niŋi, ka mari niŋgbirimaasim taaba saani.

will be added

X\