Maaki 8

1Dindaso zamutintaa daa n laŋsi Yeesu saani, ba mi daa n ka bunso zaa ba di. Yeesu booli o nyaaŋpaariba, ka yeli ba, 2Ya nyaasi, zamu ŋa ba m saani daba ata, ka ba bindira lee n ka, ba di. A zu, ba yela mari ma nimbaa. 3A koo, ka ba na bi di, ka ma yeli ba ba gaa ba yiyasi, ba ni see soori, a kpali seesi yiyasi ba wogilim. 4O nyaaŋpaariba boosi u, Wula n na ti ya n niŋi n nye bindira, a yi zikuuŋaa, a ti niribaa, ba di n piri? 5Yeesu boosi ba, Paanusi ala n na ya mari? Ba yeli u, paanusi ayapoin. 6Niŋi n na, Yeesu ti zamu maa zi tiŋŋa, ka o naa paanusi ayapoin maa kpeesi Naawunni, ka ŋma a, a ti o nyaaŋpaariba, ba naa n tori zamu maa. 7Ka ba mi mari korotobilisi, Yeesu suusi Naawunni, a niŋi a niŋi, ka yeli o nyaaŋpaariba ba naa n tori ba paasi. 8Niŋi n na, so zaa di, a piri. Ka ba piisi bincheesi, a paali peeri ayapoin. 9Niriba maa zaa daa n paa tusa anaasi. 10Niŋi n na, Yeesu ti zamu maa pisimi, ka o ni o nyaaŋpaariba kpe ŋariŋu gaari Dalimanuta paaligu. 11Niŋi n na, Farisii dabseesi daa n ti zabi Yeesu, a kpali bo, ba kpabira ba niŋi u nyaasi, o niŋi mamaachi yela. 12Niŋi n na, Yeesu siimi ga, ka yeli, Wula n na ya pimpariŋa dima kpabira m niŋi mamaachi yela? Yamonsi ma yeli ya, ya pimpariŋa dima ki nye mamaachi yela. 13Niŋi n na, Yeesu che ba, ka wa ti kpe ŋariŋu maa, ka wa ti du n gaa beeŋkarigu maa duuri. 14Ba n duusira ŋariŋu maa, ba pa baŋŋi maa, ba bi da bindira, ka paanu luŋko ko n ba niŋi. 15Ka Yeesu kpaasi ba tuba, a naa yiisi seesi n ti paanu fuŋsira la loobi kiŋaasa, a yeli, Ya dasi Farisii dima yiisi, a ni naaba Herodi yiisi niŋi. 16O nyaaŋpaariba maa n wumi kiŋaasa maa, ba togsira taaba saani yetira, O yelini n ŋa, a kpali bindira n ka niŋi. 17Yeesu baŋŋi seema ba n yetira, ka yeli ba, Ee, ya na bi baŋŋi kiŋaasasi gbina. Ya da ti bindira yela ŋa tiri ya. 18Ya mari nufu, ka bi nyaara. Ya mari tuba, ka bi wumina. 19Ya teesi. Ni daa n naa paanusi anu, ka ŋma a ti niriba tusa anu la, peeri ala n na bincheesi maa daa n paali? O nyaaŋpaariba maa yeli u, ni peeri pii ni ayi. 20Yeesu lee n maali n boosi ba, Ni daa n naa paanusi ayapoin la, a ŋma n ti niriba tusa anaasi la, peeri ala n na bincheesi maa daa n lee n paali? Ba yeli u, ni peeri ayapoin. 21Yeesu boosi ba, Ka ya na bi baŋŋi a gbina? 22A n daa n ti niŋi beela, ba paa Beseeda, ka yi ŋariŋu maa puwa, ka ba mari zooma ta Yeesu saani, ka suusi u, o tibi u. 23Niŋi n na, Yeesu gbaa zooma maa nuwa, a mari u yi n gaari tiŋŋa maa puwa, ka tusi nuntoori niŋi o nufu niŋi, ka naag o nuusi pa o niŋi, ka boosi u, E ni tee n nye? 24Zooma maa nyaasi paaligu, ka yeli, M nye niriba, a maa tiisi n chaŋina. 25Ka Yeesu lee n naag o nuusi pa zooma maa nufu, ka zooma maa nyaasira zii kpeeŋutiri, ka nyaara nene. 26Ka Yeesu yeli u, Kulima, ka da dee tiŋŋa maa puwa. 27Niŋi n na, Yeesu ni o nyaaŋpaariba daa n we tiŋsi n leeli Siiziriya Filipai. Ba n wara maa, Yeesu boosi ba yeli, ?ani n na niriba yeli m niŋiya? 28Ba yeli u, Seesi yeli e niŋini Jon Baatisi, ka seesi mi yeli Alayija, ka seesi mi yeli Naawun chaamesi la yindaana. 29Ka Yeesu boosi ba, ?ani n na ya mi yeli m niŋiya? Piita yeli u, E niŋini Kristu, so Naawunni n daa n nyisi la. 30Ka Yeesu kpaasi ba tuba ba da yeli nira zaa n ŋa. 31Niŋi n na, Yeesu daa n wusi ba, ni wune Naawun Nisaala ni nye nam ga, ka kpemba ni buŋkobkuuriba kpemba ni zaaliguwusiriba la ba zagsi u, ka ti ba ku u, ka o daba ata daari Naawunni o nyisigi u. 32Lala n na Yeesu piligi n yeli ba, ka Piita mari u gaa seela, a kpaasira o tubiri, 33ka Yeesu loobi n nyaasi o nyaaŋpaariba, ka kpaasi Piita tubiri, a yeli, Sitaana, wara, ka che ma, e bi kpabira Naawun yela, nisaaldima yela n na e kpabira. 34Niŋi n na, Yeesu booli o nyaaŋpaariba ni zamuso n pa o zu, ka yeli ba, Ka nira zaa ya n pa m zu, o da lee n niŋina o kiperi, o yi niŋini Naawun kiperi, a paara m zu. 35Ka so zaa n kpabira o moligi o nyevuri ni koŋŋi u, ka so zaa n koŋŋi o nyevuri, a kpali m ni m baarusuma la zu ni moligi u. 36Bo tono n na nisaala ya n nye, ka o su durinye zaa, ka koŋŋi o nyevuri? 37Bunso zaa ka niŋi di n tee n tagi nyevuri. 38Ya nyaasi, pimpariŋa dima niŋina yabeeri ga, ama so zaa n zagsira m yela, a yi ba nufu niŋi, ka mani Naawun Nisaala pa lee n ta, a ni m ba Naawunni ni o malakisi kpeeŋu, m gba ni zagsi u.

will be added

X\