Maaki 12

1Niŋi n na, Yeesu daa n bo kiŋaasasi wusira ba, a yeli, Dabso n nyisigi, ka buri tiisi, a yi o pu, ka sabi daari kogi, ka gbi bogiri seela ba n di n togi tiisi maa wala koom, ka me jirambisa. Dindaso o ti niriba ba nyaasira o pu maa, ka o we paaligu yindaana. 2Wala maa naagirisim n ti paa, o tumi o tumtumina o wa ti dee wala maa seesi, a yi seesi n nyaasira o pu maa saani, 3ka niriba maa moŋŋi u, ka bu u, ka kari u, o mari nuyoosi gaari. 4Niŋi n na, daba maa lee n tumi tumtumina yindaana, ba chibi o zu, ka namsi u ga. 5Niŋi n na, daba maa lee n tumi yindaana, ba ku u. Ka o lee n tumi seesi, ka ba bu seesi, ka ku seesi, 6ka a ti che o bikpabirigu ko, o tumi, ka feera maa, dabsi maa ni ti u jilima. 7Niriba maa n ti nye u, ba yeli taaba, ni wune niŋi kapitedira, ni ba ku u, ka dee kapitesi maa. 8A zu, ba gbaag u, ka ku u, ka naag o kpiiŋu maa, a yi pu maa basi. 9Wula n na pu maa daana ya n niŋi ba? O ni ti ku niriba maa, ka lee n naa pu maa ti seesi. 10Ya teesi seema ba n daa n sebi n digili Naawun buku puwa, a yeli, Kugiso dimeeriba n naa n meera, ka nyisi n basi, wune n loobi n niŋi kuga maa zaa zudaana. 11Ti duuma niŋi n ŋa, a ku ti noya. 12Niŋi n na, Juusi dima kpemba kpabira ba gbaa Yeesu, a kpali bo, ba baŋiya maa o kiŋaasa maa barima n na o yeli. Ka ba mi zora zamu maa, a zu, ba cheli u, ka gaari. 13Niŋi n na, ba daa n nyisi Farisii dimseesi, a ni Herodi dimseesi, ka tumi ba, ba wa ti niŋi mbara wumi seema Yeesu di n togsi n kpe ba niŋi. 14Lala n na, ba ti yeli Yeesu, Karichi ti baŋŋi e n togsira yamonsi, ka bi gamsira, ka bi nyaasira niriba daamasi, ka yi togsira Naawun yamonsi. Wumbo n veela, ti yo lampoo tira Aroom naaba, koo ti da yoora? 15Yeesu baŋŋi seema ba n kpabira ba yomsi u, ka yeli, Ya niŋi ma nyaasira n ŋa, ya bi niŋina nene. Naa ligibaala luŋko ta m nye u. 16Ba naa n ta, ka Yeesu boosi ba, ?ani nufusee ni yuuri n do o niŋi? Ba yeli, Aroom naaba n na. 17Yeesu yeli ba, A zu, ya naa Aroom naaba toori ti Aroom naaba, ka naa Naawun toori ti Naawunni. O n yeli lala maa, o ku ba zaa noya. 18Niŋi n na, Sajusii dimseesi daa n ta Yeesu saani. Sajusii dima yi yeli, ka nira kpiya, o ki lee n nyisigi. A zu, ba yeli Yeesu, 19Karichi, kusu zaa Musa daa n sebiya, ni ka dabso beeri yi kpi, ka che o poga, ka ka biya, o sunzo maa, o naa poga maa dogi biisi ti o beso n kpi la. 20Ka ti buŋ n ŋa? Dabso nyisigi, ka mari sunzoba bayoobu. Dindaso daba maa naa poga, ka kpi, ka bi nye biya. 21A zu, niso n pa o zu mi naag u, o gbagba kpi, ka bi nye biya. O mi sunzo mi naag u, ka kpi, ka bi nye biya. 22Lala n na ba bayapoin maa zaa niŋi, ka bi nye bii zaa. A ni a baasigu zaa poga maa gba kpi. 23Nyaasi, ba bayapoin maa zaa naag u, ka kpi la, a zu, ka ba pa ti nyisigi kum puwa, wumbo daana n su poga maa? 24Yeesu yeli ba, Ya bi fe nene, a kpali bo, ya bi baŋŋi Naawun buku nene, ka mi bi baŋŋi seema Naawun daama n be. 25Niriba n ti nyisigi kum puwa, ba ki naagira pogiba, koo, a kulisira dabsi, ama ba ni ŋmaani malakisi n ba Alizaana puwa. 26Ya lee n nyaasi kum nyisigirisim yela, a ni seema kusu zaa Musa n daa n sebi, a yi Naawun buku puwa. Wune Musa n daa n ti paa tiso n leegira la, Naawunni yeli u niseesi n kpi la yela, a yeli, Mani n niŋi Naawunni so Ibrahim ni Isaaka ni Yakubu n tumina. 27Pa kpiinsi n tumina u, ama nyevuya dima. A zu, pa yamonsi n na ya yetira, ni niriba bi nyisigira, a yi kum puwa. 28Niŋi n na, zaaliguwusiriba yindaana daa n ta Yeesu saani, ka wumi seema niriba ni Yeesu n dira amore, ka seema Yeesu n di ba, ka o boosi Yeesu, Naawun zaaligusi puwa, wumbo n daga ga? 29Yeesu yeli, zaaligusi ayi n daga ga, piiligu buŋ maa n ŋa, Ya Juusi dima, ya wumi, ti duuma Naawunni n niŋi duumaluŋko, 30so zaa o naag o sufu zaa, a ni o sii zaa, a ni o kpeeŋu zaa, a kpabira u. 31So n che la n ŋa, so zaa o kpabira o taaba seema o n kpabira o gbagba la. Zaaliguseesi n che la zaa bi lee n daga, a maa ŋama. 32Zaaliguwusira maa yeli Yeesu, Karichi, yamonsi n na e yeli, ni ti duuma niŋini luŋko, ka o ko niŋi Naawunni, 33so zaa o kpabira u, a ni o sufu zaa, a ni o sii zaa, a ni o kpeeŋu zaa, ka kpabira o taaba seema o n kpabira o gbagba la. ?ama tiri n gaari buŋkobiri zaa ba n ku n tira Naawunni. 34Yeesu n ti nye seema zaaliguwusira maa n sagi la, a ni yam, o yeli u, E ni Naawun naalim kpeebu lee n ka wogilim. ?ama nyaaŋa nira zaa lee n ka dabilim o boosi Yeesu yatogiri zaa. 35Yeesu n daa n wusira Naawun dii puu la, o yeli, ni zaaliguwusiriba yi yeli, ni Kristu ni niŋi naaba Dawuda yaŋŋu, 36ama kusu zaa Naawun sii daa n ti naaba Dawuda yeli, Ti duuma yeli m duuma, Zi m nudiya, m ti nyaŋŋi e dindima zaa ti i. 37Lala n na naaba Dawuda boona Kristu o duuma, ka wula n na Kristu maa niŋi o yaŋŋu? Niŋi n na, zamutintaa maa daa n wumi Yeesu yela maa, a ni sufupeeli. 38O n wusira ba maa, o yeli, Ya dasi zaaliguwusiriba niŋi. Ba yi pili wajesuma, ka kpabira niriba puusira ba ga, a yi kulona zu, 39ka kpabira zisuma ziisi yi laŋsigu diisi puwa, koo, a yi bindira ziya, 40ka mi zuura pogkooba bini, ka wusira ba maŋŋa togsira Naawun saani yuugira ga. Lala zu, Naawunni ni darigi ba tuba ga. 41Niŋi n na, Yeesu daa n zi n nyaasira niriba, ka ba naa ligiri niŋi Naawun dii daka puwa, ka bindaandimseesi naa ligiri ga niŋi o puwa. 42Niŋi n na, pogkoori nandaana ta, a ti naa kobu ayi niŋi daka maa puwa. 43Yeesu n ti nye u, o booli o nyaaŋpaariba, ka yeli ba, Yamonsi n na, pogkoori nandaana ŋa lobi n gaari ba zaa, 44a kpali bo, ba nyisini beela yi ba ligidamta puu lobi, ka ŋu wune nandaana naa bunso zaa o n mari niŋi o puwa.

will be added

X\